Լավրովը փորձում է Արցախի կարգավիճակի հարցը թողնել Երևանի վրա․Արեգ Քոչինյան․ ՏԵՍԱՆՅՈՒԹ

Սոչիիում ռուսական դիվանագիտական ֆիասկոյից հետո այդ երկիրը փորձում է քավության նոխազ գտնել։ Ռուսաստանի արտաքին գործերի նախարար Սերգեյ Լավրովի երեկ արած հայտարարությունը այսպես է բացատրում Անվտանգային քաղաքականության հետազոտական կենտրոնի նախագահ Արեգ Քոչինյանը։
Լավրովը երեկ հայտարարել էր, թե հոկտեմբերի 7-ին Պրահայում ստորագրված քառակողմ փաստաթղթով հայկական կողմը փակել է Ղարաբաղի կարգավիճակի հարցը։ Լավրովի գնահատմամբ՝ դրանից հետո հնչած մեղադրանքները, թե Ռուսաստանն է հրաժարվել խնդրի կարգավորումը ապագային թողնելու իր առաջարկից, անհիմն են։
«Հայկական կողմը երբևիցե կասկածի տակ չի դրել Ադրբեջանի տարածքային ամբողջականությունը ու Ալմա-Աթայի հռչակագիրը ստորագրել է դեռևս 90-ակակններին։ Մենք ընդամենը հղում ենք արել մի արձանագրության, որը ստորագրել ենք 90-ականներին։ Ընդ որում՝ ստորագրել և վավերացրել է նաև Ռուսաստանը»- մանրամասնում է քաղաքագետը։ Ըստ նրա՝ Պրահայի քառակողմ հայտարարությամբ Ղարաբաղի հարցը չի կարող փակված համարվել։
«Եթե Ռուսաստանը պնդում է, թե այս հայտարարությամբ Արցախի հարցը փակվել է, նշանակում է՝ Ռուսաստանը նաև պնդում է՝ 30 տարի զբաղվել է ինքնախաբեությամբ»,- շեշտում է քաղաքագետը և հավելում՝ Լավրովը փորձում է Արցախի կարգավիճակի հարցը թողնել Երևանի վրա։
Անդրադառնալով Բրյուսելում Հայաստանի և Ադրբեջանի նախագահների՝ դեկտեմբերի 7-ին նախատեսցված հանդիպմանը, որը ամենայն հավանականությամբ, տեղի չի ունենա, Քոչինյանն ասում է՝ առանց Ֆրանսիայի նախագահի մասնակցության հայկական կողմին այդ հանդիպումը պետք չէ։

Մանրամասները՝ տեսանյութում։