16.09.2026 | 12:47
Իշխան Սաղաթելյանի ճեպազրույցը՝ ՈՒՂԻՂ
Տարբեր երկրներում Ուկրաինայի դեսպանատները կենդանիների աչքերով արյունոտ ծրարներ են ստացել
Քաղաքականություն
02.12.2022 | 18:16
Ուկրաինայի ԱԳՆ-ն հայտնում է, որ Իսպանիայում Ուկրաինայի դեսպանատան պայթյունից հետո այլ երկրներում ուկրաինական դիվանագիտական ներկայացուցչությունները նույնպես «արյունոտ փաթեթներ» են ստացել։
Խոսքը Հունգարիայում, Նիդեռլանդներում, Լեհաստանում, Խորվաթիայում, Իտալիայում Ուկրաինայի դեսպանատների, ինչպես նաև Նեապոլում և Կրակովում գլխավոր հյուպատոսությունների և Չեխիայի Բռնո քաղաքում հյուպատոսության մասին է, գրում է BBC-ի ռուսական ծառայությունը։
«Փաթեթների մեջ եղել են կենդանիների աչքեր, իսկ ծրարները ներծծված են եղել բնորոշ գույնի հեղուկով և ունեցել են համապատասխան հոտ»,- ասել է նախարարության մամուլի խոսնակ Օլեգ Նիկոլենկոն։ Նա հավելել է, որ ԱԳՆ-ն փորձում է հասկանալ այս հաղորդագրությունների իմաստը։
Հիշեցնենք՝ նոյեմբերի 30-ին պայթյուն է հնչել Իսպանիայում Ուկրաինայի դեսպանատան մոտ։ Ռումբը փոստով ուղարկվել է, իսկ դեսպանատան աշխատակիցը վիրավորվել է ծրարը բացելիս:
Հաջորդ օրը իսպանացի իրավապահները ծրարի մեջ հայտնաբերել են ևս մեկ պայթուցիկ սարք, որը ստացել է ԵՄ արբանյակային կենտրոնը, որը տեղակայված է Մադրիդի մոտ գտնվող Տորեխոն դե Արդոզ իսպանական ավիաբազայում։ Այս բազան պարբերաբար օգտագործվում է իսպանական զենքը Կիև տեղափոխելու համար։
Տաթև Ֆռանգյան
