30.10.2026 | 12:42
Ըմբշամարտի ԱԱ. Արսեն Հարությունյանը և Արման Անդրեասյանը պարտվեցին
Գերմանիան Ուկրաինային կմատակարարի ևս յոթ Gepard համակարգ
Քաղաքականություն
02.12.2022 | 21:23
Գերմանիան Ուկրաինային կմատակարարի ևս յոթ Gepard ինքնագնաց զենիթային կայանք և 100 հազար անհատական առաջին օգնության փաթեթ։ Այս տեղեկությունները ներառված են դեկտեմբերի 1-ին Գերմանիայի կառավարության կողմից հրապարակված առաքումների ցանկում, գրում է DW-ի ռուսական ծառայությունը։
Կառավարությունն ընդգծում է, որ անվտանգության նկատառումներից ելնելով ձեռնպահ է մնում փոխադրման եղանակների և ժամկետների մասին մանրամասներ հրապարակելուց մինչև օգնության փաստացի փոխանցումը։
Ըստ Der Spiegel-ի՝ յոթ Gepard-ները, որոնք պլանավորվել էր ոչնչացնել, այժմ վերանորոգվում են մյունխենյան զենքի Krauss-Maffei Wegmann ընկերության կողմից, և դրանք պետք է Ուկրաինա առաքվեն գարնանը: Ուկրաինայի զինված ուժերում այժմ նման 30 կայանք կա։
Հիշեցնենք՝ տարեսկզբից մինչ օրս Գերմանիայի կառավարությունը հավանություն է տվել Ուկրաինա ռազմական ապրանքների արտահանմանը 1,9 միլիարդ եվրոյի չափով։
Էմմա Չոբանյան
