30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Չինաստանը թեթևացրել է Covid-ի սահմանափակումները զանգվածային բողոքի ցույցերից հետո
Քաղաքականություն
02.12.2022 | 16:56
Հանգստյան օրերին Covid-ի սահմանափակումների դեմ զանգվածային բողոքի ցույցերի ֆոնին Չինաստանի իշխանությունները նախանշեց «զրոյական covid» քաղաքականության որոշակի մեղմացում, գրում է BBC-ի ռուսական ծառայությունը:
Շանհայի և Գուանչժոուի քաղաքների տասնյակ շրջաններում, որտեղ դեպքերի աճ են գրանցել և հատկապես զանգվածային բողոքի ցույցեր են եղել, հինգշաբթի օրը հանվել են սահմանափակումները: Դեռ երեքշաբթի օրը Ուրումչի քաղաքում, որտեղից սկսվել էր բողոքի ալիքը, սահմանափակումները մասամբ են հանվել։Երկրի տարբեր քաղաքներում ցույցերի մասնակիցները կարգախոսների փոխարեն սպիտակ թղթերով էին դուրս եկել փողոց՝ դեմ արտահայտվելով կորոնավիրուսային սահմանափակումների քողի ներքո գրաքննությանը։
Մինչ այս, Չինաստանի ղեկավարությունը հավատարիմ էր մնում «զրոյական Covid» քաղաքականությանը, երբ վարակի մի քանի դեպքերի պատճառով բազմամիլիոնանոց քաղաքներ կարող էին հանկարծակի և ամբողջությամբ արգելափակման տակ հայտնվել:
Տաթև Ֆռանգյան
