16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
ՌԴ-ի հարձակողական գործողությունների վերսկսումը հապաղում է զինամթերքի պակասի պատճառով․ բրիտանական հետախուզություն
Քաղաքականություն
02.12.2022 | 17:49
Անցյալ ամիս Դնեպրի աջ ափից ռուսական բանակի դուրսբերումը թույլ տվեց ուկրաինական ուժերին հարվածներ հասցնել ռուսական նյութատեխնիկական ապահովման հանգույցներին և հաղորդակցություններին, ասվում է բրիտանական հետախուզության այսօրվա ամփոփագրում, գրում է BBC-ի ռուսական ծառայությունը։
Նշվում է, որ այս վտանգը, հավանաբար, ստիպել է ռուսական բանակին տեղափոխել մատակարարման հանգույցները, այդ թվում՝ երկաթուղային կայանները, ավելի հարավ և արևելք: Ռուսական բանակը ստիպված կլինի իրականացնել բեռնում ու բեռնաթափում երկաթուղայինից ավտոմոբիլային ճանապարհներին։ Սակայն տրանսպորտային միջոցների երթևեկությունը մնալու է ուկրաինական հրետանու սպառնալիքի տակ, քանի որ մատակարարում է իրականացնելու ռուսական պաշտպանական դիրքերի համար։
«Ռուսաստանի զինամթերքի պակասը, հավանաբար, հիմնական գործոններից մեկն է, որը ներկայում սահմանափակում է ՌԴ ներուժը՝ վերսկսելու արդյունավետ լայնածավալ հարձակողական ցամաքային գործողությունները»,-ասվում է ամփոփագրում։
Էմմա Չոբանյան
