16.01.2026 | 16:39
AntiFake-ն ակցիա իրականացրեց ԲԴԽ շենքի դիմաց․ ՏԵՍԱՆՅՈՒԹ
Արցախի ինքնորոշման իրավունքի մասով համաձայն չեն, հանել են․ Անդրանիկ Թևանյան․ ՏԵՍԱՆՅՈՒԹ
Քաղաքականություն
02.12.2022 | 11:49
ԱԺ արտաքին հարաբերությունների մշտական հանձնաժողովի այսօրվա նիստում «Հայաստան» խմբակցության պատգամավոր Անդրանիկ Թևանյանը ներկայացրել է «Հայաստան» խմբակցության հեղինակած «ՀՀ Ազգային ժողովի հայտարարությունն Ադրբեջանի խորհրդարանի 2022 թվականի նոյեմբերի 8-ի հայտարարության կապակցությամբ» հարցը:
«Քաղաքացիական պայմանագիր» խմբակցության հետ քննարկման արդյունքում փոխհամաձայնության չեն եկել։
Այսօր հրավիրված ԱԺ արտահերթ նիստում Անդրանիկ Թևանյանը հայտարարեց, որ ՔՊ-ն դեմ է եղել Լեռնային Ղարաբաղ կամ «Արցախի Հանրապետություն» ձևակերպմանը. հայտարարության տեքստից ջնջել են «Հանրապետություն» ձևակերպումը։
«Մեզ մոտ գրված է` «Պատմական տարածքում ինքնորոշված ԼՂՀ–ի դեմ հարձակում Ադրբեջանի կողմից», իսկ իրենք առաջարկում են գրել՝ «Հարձակում ԼՂ հայության վրա»․․․ Այս ձևակերպումը մեզ համար ընդունելի չէ։
Երկրորդ՝ ինքնորոշման իրավունքի իրացման ձևակերպմանը նույնպես ՔՊ–ն կողմ չէ և ջնջել են այդ ձևակերպումը։
Երրորդ՝ հանել էին «Շուշիի հռչակագրի» դատապարտումը, քանի որ դեմ էին դրան։
Չորրորդ՝ ՔՊ-ն հանել է նաև ՀՀ հանձնառությունն ինքնորոշման իրավունքի իրացման և անվտանգության ապահովման մասով․․․»,- նշեց Թևանյանը՝ հավելելով, որ հայկական կողմի զիջողական քաղաքականությունը կարող է բերել Հայաստանի կապիտուլյացիայի։
Մանրամասները՝ տեսանյութում։
