06.10.2026 | 17:26
ԱՀԿ-ն հաստատել է՝ Հայաստանը հասել է հեպատիտ B-ի վերահսկման թիրախներին
Բացառիկ լուսավորություն է լինելու, բոլորը կտպավորվեն. Տիգրան Ավինյան․ ՏԵՍԱՆՅՈՒԹ
02.12.2022 | 11:38
Մի քանի օրից Երևանում կմեկնարկեն համալիր միջոցառումներ, որով կազդարարվի ամանորյա տոնական ծրագրի սկիզբը։ Այս մասին այսօր մամուլի ասուլիսի ժամանակ հայտարարեց Երևանի փոխքաղաքապետ Տիգրան Ավինյանը:
Նրա խոսքով՝ այդ միջոցառումները կընդգրկեն բոլոր վարչական շրջանները, իսկ համերգային հատվածը կենտրոնացված կլինի Հանրապետության հրապարակում, և Երևանի 2750-ամյակի պուրակում:
«Այս տարի լուսավորությունը լինելու է բացառիկ, և վստահ եմ՝ բոլորը տպավորված են լինելու կատարված աշխատանքով: Մենք նպատակ ենք ունեցել տոնական մթնոլորտը հասցնել բոլորին: Այս տարի Երևանը հատկապես հյուրաշատ է լինելու՝ հաշվի առնելով նաև մանկական «Եվրատեսիլի» անցկացմամբ պայմանավորված Երևան ժամանած հյուրերին:
Ավինյանի խոսքով, տոնական միջոցառումների մի բաղադրիչ է լինելու Սուրբծննդյան տոնավաճառի անցկացումը Երևանի 2750-ամյակի պուրակում, որը մեկնարկելու է դեկտեմբերի 5-ից և տևելու է մինչև հունվարի 6-ը:
Տոնական օրերին կազմակերպվելու է 7 տոնական համերգ Երևանի 2750-ամյակի պուրակում: Մեկնարկը տրվելու է դեկտեմբերի 9-ին, վերջին համերգը լինելու է հունվարի 6-ին: Իսկ Գալա համերգը լինելու է Հանրապետության հրապարակում դեկտեմբերի 31-ին, ժամը 23-ին:
Մանրամասները՝ տեսանյութում։
