16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Բորելը և Բայրամովը քննարկել են հայ-ադրբեջանական հարաբերությունների կարգավորման հարցը
Քաղաքականություն
02.12.2022 | 11:10
Եվրոպական միության արտաքին հարաբերությունների և անվտանգության հարցերով բարձր ներկայացուցիչ Ժոզեպ ԲորելըԱդրբեջանի ԱԳ նախարար Ջեյհուն Բայրամովի հետ քննարկել է տարածաշրջանային խնդիրները։ Այս մասին Բորելը գրել է իր Twitter-ի էջում։
«Ադրբեջանի ԱԳՆ ղեկավար Ջեյհուն Բայրամովի հետ քննարկել եմ տարածաշրջանային մարտահրավերները։ Ընդգծել եմ ԵՄ նվիրվածությունը Հարավային Կովկասում խաղաղության բանակցությունների խթանմանն ու վստահության կառուցմանը։ Խաղաղության ամրապնդման և տարածաշրջանային բարգավաճման ուղղությամբ ջանքերը շարունակելու համար Ադրբեջանի հետ համագործակցության հույս ունեմ», – գրել է եվրոպացի պաշտոնյան:
Հիշեցնենք, որ Բորելը հանդիպում է ունեցել նաև ՀՀ արտգործնախարար Արարատ Միրզոյանի հետ։ Հանդիպման ժամանակ կողմերը քննարկել են տարածաշրջանում կայուն խաղաղության հասնելու ուղիները։ Հիշեցնենք նաև, որ ՀՀ ԱԳ նախարար Արարատ Միրզոյանն աշխատանքային այցով Լեհաստանում է ԵԱՀԿ նախարարական 29-րդ համաժողովին մասնակցելու նպատակով։
Տաթև Ֆռանգյան
