21.12.2025 | 11:11
«Ինտերը», «Յուվենտուսը» և «Նապոլին» հետևում են Սպերցյանի խաղին․ գործակալ
Ռուսական ռմբակոծիչները նոր հարվածներ են նախապատրաստում Ուկրաինային. Der Spiegel
Քաղաքականություն
01.12.2022 | 20:13
Դատելով Սարատովի մերձակայքում գտնվող Էնգելս-2 ռազմական օդանավակայանի արբանյակային պատկերներից՝ Ռուսաստանը կարող է նոր զանգվածային հրթիռային հարձակում նախապատրաստել Ուկրաինայի վրա՝ օգտագործելով ռազմավարական ռմբակոծիչներ։ Այս մասին չորեքշաբթի՝ նոյեմբերի 30-ին, հայտնում է Der Spiegel հրատարակությունը։
«Փաստացի արբանյակային պատկերները ցույց են տալիս արտասովոր շարժումներ ռուսական առանցքային ռազմական օդանավակայանում: Փորձագետները տեսնում են Էնգելս-2-ի զգոնության բարձրացում և զգուշացնում Ուկրաինայի վրա նոր հզոր օդային հարձակման մասին»,- գրում է Der Spiegel-ը:
Հրատարակության հրապարակած լուսանկարներում պատկերված են գրեթե երկու տասնյակ Tu-95 և Tu-160 հեռահար ռմբակոծիչներ։ Թռիչքուղու վրա կան բազմաթիվ խոշոր բեռնատար ինքնաթիռներ և բեռնատարներ, որոնք օգտագործվում են X-55 կամ X-101 թեւավոր հրթիռներ տեղափոխելու համար, գրում է Der Spiegel-ը։
