05.11.2024 | 11:45
Մենք աջակցում ենք հարաբերություններում նոր էջ բացելու՝ Ադրբեջանի և Հայաստանի ձգտումներին. Տոկաև
Պարզվել է Կոտայքում կործանված ինքնաթիռի օդաչուների ինքնությունը․ ԱԻՆ
01.12.2022 | 17:19
Երևան-Աստրախան չվերթն իրականացնող B55 տիպի ինքնաթիռը Ջրաբեր գյուղի ավազի հանքի մոտակայքում ընկել է և բռնկվել։ Տեղում հայտնաբերվել է 2 օդաչուների (Ա․ Պ․, ՌԴ քաղաքացի, ծնված 1979 թ․) և Վ․ Ռ․ (ՌԴ քաղաքացի, ծնված 1983 թ․) այրված դիերը․ տեղեկացնում են ՀՀ ԱԻՆ-ից։
Հիշեցնենք, որ դեկտեմբերի 1-ին, ժամը 14։20-ին Ճգնաժամային կառավարման ազգային կենտրոն տեղեկություն է ստացվել, որ Կոտայքի մարզի Ջրաբեր գյուղի տարածքում B55 տիպի ինքնաթիռ է ընկել և բռնկվել։
Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատներից երեք մարտական հաշվարկ, Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական երեք, բժշկական ապահովման վարչության հերթապահ, Ճգնաժամային կառավարման ազգային կենտրոնի օպերատիվ և հոգեբանական աջակցության բաժնի հերթապահ խմբերը։
Հրդեհը մարվել է ժամը 14։41-ին։
