Կյանքը վտանգողը հավելավճար չի ստանալու, իսկ կաբինետից դուրս չեկածը՝ կստանա. Գեղամ Մանուկյան․ ՏԵՍԱՆՅՈՒԹ

Ընթանում է ԱԺ Պաշտպանության և անվտանգության հարցերի մշտական հանձնաժողովի նիստը։

ԱԺ պաշտպանության և անվտանգության հանձնաժողովի նիստում ՀՀ պաշտպանության նախարար Սուրեն Պապիկյանը ներկայացրեց «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում լրացումներ կատարելու մասին և «Զինվորական ծառայության և զինծառայողի կարգավիճակի մասին» օրենքում փոփոխություններ և լրացումներ կատարելու մասին օրենքների նախագծերի փաթեթը, որի համաձայն՝ առաջարկվում է պայմանագրային զինվորական ծառայության գրավչությունը բարձրացնելու նպատակով անմիջականորեն մարտական խնդիրների իրականացման, պլանավորման կամ վերահսկման գործառույթներ ունեցող պաշտոններ զբաղեցնող պայմանագրային զինվորական ծառայության սպայական, ենթասպայական և շարքային կազմերի զինծառայողների համար սահմանել հավելավճար, դրա հաշվարկումը պայմանավորել այդ զինծառայողների կողմից ատեստավորում անցնելու հանգամանքով:

«Հայաստան» խմբակցության պատգամավոր Գեղամ Մանուկյանը նշեց՝ կառավարության որևէ նախաձեռնության, որը ենթադրում է ԶՈՒ-ում հավելավճար տալուն, չեն կարող դեմ լինել, սակայն, հաշվի առնելով, որ իրենց մտահոգությունները չեն փարատվել իրենց առաջարկներով, քվեարկությանը չեն մասնակցի:

«Ունենալու ենք իրավիճակ, որ կյանքը վտանգողը հավելավճար չի ստանալու, իսկ կաբինետից դուրս չեկածը, որ կանոնակարգը սերտել է, կստանա»,- ասաց Գեղամ Մանուկյանը։

Մանրամասները՝ տեսանյութում։