19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Վտանգը միշտ էլ կա. Վայոց ձորի մարզպետը՝ Ջերմուկում ապաստարանների նորոգման մասին․ ՏԵՍԱՆՅՈՒԹ
Քաղաքականություն
01.12.2022 | 15:00
Ջերմուկի ուղղությամբ վերջին օրերին լարվածություն չենք ունեցել, կառավարության նիստից հետո այսօր լրագրողների հետ զրույցում ասաց Վայոց ձորի մարզպետ Արարատ Գրիգորյանը։
«Կարող է կրակոցներ լինեն, բայց մեր դիրքերի ուղղությամբ կամ այնպիսի իրավիճակ, որ լարվենք՝ չենք ունեցել այդպիսի դեպք։ Ես ամբողջ օրը մարզում եմ, լարված իրավիճակ չենք ունեցել։ Իրենք կարող է վերցնեն՝ օդ կրակեն, բայց այնպիսի լարված իրավիճակ չենք ունեցել Ջերմուկում, ինչը մեզ կստիպի լրացուցիչ միջոցներ ձեռնարկել»,- նշեց մարզպետը։
Գրիգորյանն ընդգծեց, որ պատերազմական իրավիճակում ենք, ուստի, այնուամենայնիվ, վտանգ ամեն վայրկյան կարող է լինել։
Մարզպետ հերքեց լուրերն այն մասին, թե ադրբեջանցիները Հայաստանի Հանրապետության սուվերեն տարածքում` Ջերմուկի հատվածում, թունել կամ ճանապարհ են կառուցում։
«Մենք նման տեղեկություն չունենք։ Թունելի կամ ճանապարհի կառուցման մասին լուրերն անտրամաբանական եմ համարում»,- ասաց Գրիգորյանը՝ լրագրողներին հորդորելով այդ հարցերն ուղղել նրանց, ովքեր նման լուրեր են տարածում, քանի որ իրենք տեղյակ չեն։
Ինչ վերաբերվում է ամրաշինական աշխատանքներին, ապա, ըստ մարզպետի, դրանք հնարավոր են։
Մանրամասները՝ տեսանյութում։
