Լավրովը՝ ԵԱՀԿ-ի ու Արևմուտքի հետ ՌԴ հարաբերությունների մասին

Ռուսաստանի և Արևմուտքի նախկին հարաբերությունները չեն վերականգնվի, հայտարարել է արտգործնախարար Սերգեյ Լավրովը եվրոպական անվտանգությանը նվիրված մամուլի ասուլիսում, փոխանցում է ՌԻԱ Նովոստին։

«Միայն պարզ է, որ եթե ժամանակի ինչ-որ պահի մեր արևմտյան հարևանները, իսկ հարևանությունից փախչել չի լինի, մեր արևմտյան հարևանները և նախկին գործընկերները հանկարծ շահագրգռվեն ինչ-որ կերպ վերականգնել եվրոպական անվտանգության շուրջ համատեղ աշխատանքը, ապա վերականգնել չի ստացվի։ Քանի որ վերականգնում կնշանակի այն, ինչ եղել է նախկինում։ Սակայն բիզնես ինչպես սովորաբար էր, չի լինի»,-ասել է Լավրովը։

«Այսպիսով, ԵԱՀԿ-ի գործողություններն այսօր մեզ թույլ են տալիս հարցեր բարձրացնել, թե ինչպիսին կլինի հարաբերությունները այս կազմակերպության և Մոսկվայի միջև»,- շարունակել է Լավրովը։ Երբ Արևմուտքը հասկանա, որ ավելի լավ է գոյակցել համաձայնեցված պայմանավորվածությունների հիման վրա, Մոսկվան կլսի ստացված առաջարկները։

Այսօր Ռուսաստանը պայքարելու է, որպեսզի եվրոպական դիվանագիտության ներկայացուցիչները, որոնք ատելության քաղաքականություն են քարոզում, «հեռանան իրենց գործերից», – ասել է ՌԴ ԱԳՆ ղեկավարը։

ԵԱՀԿ-ն ստեղծվել է Արևելքի և Արևմուտքի հարաբերությունները լիցքաթափելու համար, սակայն Արևմուտքի գերակայության կուրսը կանխեց դա, հայտարարել է ռուսական դիվանագիտության ղեկավարը։
«Արևմուտքն անում է հենց այն, ինչի դեմ ստեղծվել է ԵԱՀԿ-ն՝ բաժանարար գծեր է փորում: Այնտեղ, որտեղ փորում են, և ինչ-որ մեկին կարող են թաղել: Ես վախենում եմ, որ դա արվում է հատուկ ԵԱՀԿ-ի համար»,- ասել է Լավրովը:

Տաթև Ֆռանգյան