Քաղաքականություն
01.12.2022 | 16:20
Ադրբեջանում Հայաստանում արտադրված ապրանքները հերթական անգամ անհանգստացրել են իշխանություններին։ Մասնավորապես, Ադրբեջանի մաքսային կոմիտեն հայտնում է, որ Բաքվի գլխավոր մաքսային անցակետում՝ «Մետաքսի ճանապարհում», ի թիվս այլ ապրանքների հայտնաբերվել են շինարարական ապրանքներ, որոնք արտադրված են Հայաստանում։
Հավելենք, որ ավելի վաղ դեպքեր էին եղել, երբ Ադրբեջանում հայտնվել էին Հայաստանում արտադրված պարենային ապրանքներ ու ալկոհոլ, սակայն հիմա ապրանքերի բնույթն այլ է։ Այս անգամ հայտնաբերվել է շինարարական աշխաանքներում օգտագործվող 24,820 սիլիկոնային տարա և 1050 դատարկ ստվարաթղթե արկղեր՝նախատեսված այդ տարաների փաթեթավորման համար։
Պարզվել է, որ այդ ապրանքները ուղարկվել են Իրանում գտնվող մի ընկերության կողմից Ադրբեջանում գտնվող ֆիզիկական անձի հասցեով: Ադրբեջանի պետանվտանգության ծառայությունը Մաքսային կոմիտեի հետ հետաքննություն է սկսել հայկական ծագման ապրանքների ՝ Բաքվում հայտնվելու հանգամանքները պարզելու համաւր։
Էմմա Չոբանյան
