07.10.2026 | 14:45
Արմավիրի մարզում հրդեհային անվտանգության խախտումների պատճառով 4 գազաբենզալցակայան կապարակնքվել է
ՏՏ ոլորտից ահազանգեր ենք ստանում, որ դրամի արժևորման արդյունքում ռիսկերի առաջ են կանգնել. Փաշինյան
Տնտեսություն
01.12.2022 | 12:24
Պետությունը կաջակցի տեղեկատվական տեխնոլոգիաների ոլորտում գործունեություն իրականացնող իրավաբանական անձանց և անհատ ձեռնարկատերերին։ Նման որոշում ընդունվեց կառավարության այսօրվա նիստում։
Բարձր տեխնոլոգիական արդյունաբերության նախարար Ռոբերտ Խաչատրյանը հայտնեց` առաջարկվում է պետական աջակցություն տրամադրել ՏՏ ոլորտի այն կազմակերպություններին ու անհատ ձեռնարկատերերին, որոնք 2022-ի հունիսից հոկտեմբերին իրենց աշխատակիցներին տրվող աշխատավարձային ֆոնդը չեն կրճատել 20 տոկոսից ավելի։ Ինչպես նաև նրանց կողմից արտերկիր արտահանվող ծառայությունների ծավալն աջակցության տրամադրման ժամանակահատվածում կազմել է իրացման շրջանառության առնվազն 70 տոկոսը։
«Նախագծի նպատակն է ժամանակային հնարավորություն տալ ոլորտի կազմակերպություններին` բիզնես մոդելի վերափոխման, գործող պայմաններին հարմարվելու, ինչպես նաև ՏՏ ոլորտի համաշխարհային բարդույթներին դիմակայելու համար։ Տրամադրվող պետաջակցության չափը ոլորտին նախնական գնահատմամբ կազմում է 10 մլրդ դրամ, ինչը հնարավորություն կտա պահպանել աշխատատեղերը և պահպանել աշխատակիցների աշխատավարձերը»,- նշեց Խաչատրյանը։
Վարչապետ Նիկոլ Փաշինյանը հայտնեց, որ մի քանի ամիս է, ինչ ահազանգեր են ստանում ՏՏ ոլորտի մասնագետներից, որ դրամի արժևորման արդյունքում նրանք որոշակի ռիսկերի առջև են կանգնում։
Վարչապետի դիտարկմամբ՝ աջակցությունն էականորեն կմեծացնի ոլորտի մրցունակությունը միջազգային շուկայում։
Մանրամասները՝ տեսանյութում։
