17.08.2026 | 23:08
Զորականում և Ամասիայում շչակներ են փորձարկվելու
Ուկրաինայում 6 միլիոն բաժանորդ առանց էլեկտրականության է մնացել
Քաղաքականություն
01.12.2022 | 18:00
Նոյեմբերի 30-ի երեկոյան Ուկրաինայում շուրջ 6 միլիոն բաժանորդի էլեկտրամատակարարում անջատվել է, հայտնում է Ուկրաինական պրավդան։ Նախագահ Վլադիմիր Զելենսկին հայտնել է, որ իրավիճակը շատ ծանր է մնում մայրաքաղաքում, ինչպես նաև Վիննիցայի, Լվովի, Օդեսայի, Խմելնիցկիի և Չերկասիի մարզերում։
Էներգետիկ և կոմունալ ծառայությունները, բոլոր ծառայություններն ամեն ինչ անում են համակարգը կայունացնելու համար, վստահեցրել է Զելենսկին՝ կարևորելով գրաֆիկի սահմանման անհրաժեշտությունը։
«Եվ ուզում եմ նորից շեշտել՝ շատ կարևոր է, որ մարդիկ հասկանան, թե երբ և որքան ժամանակով իրենց էլեկտրաէներգիան կանջատեն, դա և՛ էներգետիկ ընկերությունների, և՛ տեղական իշխանությունների պարտականությունն է»,-հայտարարել է Զելենսկին։
Տաթև Ֆռանգյան
