02.02.2026 | 23:29
Թուրքիան և Ադրբեջանը պետք է ապացուցեն, որ ԵՄ-ին Ռուսաստանի գազ չեն մատակարարում
Կեցցե՛ Ֆրանսիան․ ՀՀ ԱԺ նախագահը շնորհակալություն է հայտնել Ֆրանսիայի ԱԺ-ին՝ Հայաստանին սատարող բանաձև ընդունելու համար
Քաղաքականություն
01.12.2022 | 10:06
ՀՀ ԱԺ նախագահ Ալեն Սիմոնյանը թվիթերի միկրոբլոգում արված գրառմամբ շնորհակալություն է հայտնել Ֆրանսիայի Հանրապետության Ազգային ժողովին՝ Հայաստանին աջակցող և Ադրբեջանի նկատմամբ պատժամիջոցներ առաջարկող բանաձևի ընդունման համար։
«Մենք ողջունում ենք Ֆրանսիայի ղեկավարությանը Ադրբեջանի քաղաքականության և ագրեսիվ վարքագծի դեմ Հայաստանին սատարելու հարցում և շնորհակալություն ենք հայտնում Ֆրանսիայի Հանրապետության Ազգային ժողովին՝ համապատասխան բանաձևը միաձայն ընդունելու համար։
Կեցցե Ֆրանսիան»,- գրել է Ալեն Սիմոնյանը։
Նշենք, որ վերոնշյալ բանաձևը ներկայացվել էր Ֆրանսիայի Սենատի մեծամասնության՝ իշխանական «Վերածնունդ» խմբակցության անունից։
Հիշեցնենք նաև, որ նույնաբովանդակ բանաձև ընդունվել էր նաև ս․թ․ նոյեմբերի 15-ին․ Ֆրանսիայի Հանրապետության Սենատը 295 կողմ և 1 դեմ ձայների հարաբերակցությամբ ընդունել էր Հայաստանին աջակցող և Ադրբեջանի նկատմամբ պատժամիջոցներ առաջարկող բանաձև։ Այդ բանաձևը ներկայացրել էին սենատորներ Բրունո Ռըտայոն, Քրիստիան Կամբոնը, Էլիան Ասասին, Պատրիկ Կանները, Էրվե Մարսեյը և Ժիլբեր-Լյուկ Դըվինազը։
