30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Ընդդիմությո՞ւնն է մեղավոր, որ թշնամին Ջերմուկ է հասել․ Արծվիկ Մինասյան․ ՏԵՍԱՆՅՈՒԹ
Քաղաքականություն
30.11.2022 | 13:33
Ազգային ժողովի «Հայաստան» խմբակցության քարտուղար Արծվիկ Մինասյանն այսօր լրագրողների հետ զրույցում նշեց, որ մանդատները վայր դրած պատգամավորների քաղաքական հայացքներում ոչինչ չի փոխվել։
Միանսյանի խոսքով՝ Արամ Վարդևանյանը մանդատը վայր դրեց, քանի որ տեսնում էր, որ փաստաբանական գործունեությամբ կարող է ավելի շատ օգտակար դեր խաղալ։
«Միշտ էլ հնարավոր է գտնել պատճառներ, ես չեմ ուզում արհեստական պատճառներ նշել»,- ասաց Մինասյանը՝ անդադառնալով ընդդիմադիր մի քանի պատգամավորների՝ մանդատները վայր դնելու պատճառների վեաբերյալ հարցին։
«Այո՛, մեզ դեռ չի հաջողվել այն հիմնական նպատակադրումները, որ դրել էինք մեր առաջ, իրականացնել, բայց արդյո՞ք որոշակի արդյունքներ մենք չունենք, սա, խնդրում եմ, չանտեսենք։ Մենք ունեցել ենք արդյունքներ. այս իշխանությունը չի կարողացել իրականացնել թուրք-ադրբեջանական ծրագրերը», – ընդգծեց Մինասյանը։
Դիտարկմանը, որ թշնամին Ջերմուկ է հասել, Մինասյանն արձագանքեց․ «Ընդդիմությո՞ւնն է մեղավոր, որ թշնամին Ջերմուկ է հասել։ Դրա թիվ մեկ մեղավորն օրվա իշխանությունն է»։
Ընդդիմադիր պատգամավորի խոսքով՝ իշխանությունն ամեն օր ճնշումներ է գործադրում ընդդիմադիրների վրա թե՛ ապօրինի գործողություններով, թե՛ կեղծ լուրեր տարածելով։
Մանրամասները՝ տեսանյութում։
