08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ուկրաինան պատրաստվում է ազատագրել Կինբուրնի թերակղզին
Քաղաքականություն
30.11.2022 | 14:52
Ուկրաինական բանակը պատրաստվում է ռուսական զորքերից ազատագրել ռազմավարական նշանակություն ունեցող Կինբուրնի թերակղզին։
Թերակղզուց հնարավոր է վերահսկել ինչպես Խերսոնի, այնպես էլ Նիկոլաևի մուտքերը: Սա փոքր տարածք է, բայց երկու բանակների համար էլ մեծ նշանակություն ունի, գրում է Euronews-ը։ Ուկրաինացի սակրավորներն այս պահին աշխատում են տարածքի ականազերծման ուղղությամբ։
Արևելյան ճակատում՝ Դոնեցկի մարզում, ուկրաինացի զինվորականները ռուսական մատակարարման ուղիներին հարվածելու համար օգտագործում են նոր «Բուրևոյ» բազմակի արձակման հրթիռային համակարգեր։
ՌԴ ՊՆ-ն պնդում է, որ ռուսական զորքերը կարողացել են կանխել Ուկրաինայի Զինված ուժերի հարձակումը Կուպյանսկի և Կրասնո-Լիմանսկի ուղղություններով, հարվածներ են հասցվել Զապորոժիեի զենքի պահեստին, խոցվել է ինը անօդաչու թռչող սարք։ Կողմերի կորուստների թվի մասին տեղեկությունները հակասական են։ Այսպես՝ ըստ ՌԴ պաշտպանության նախարարության տվյալների, սեպտեմբերի վերջի դրությամբ Ռուսաստանը կորցրել է 6 հազար զինվորական, Ուկրաինան՝ 10 անգամ ավելի։Մինչդեռ Կիևը պնդում է, որ մինչև տարեվերջ Ռուսաստանի կորուստները կհասնեն 100.000-ի, ինչ վերաբերում է սեփական կորուստներին՝ Ուկրաինան հայտնել է 9.000 սպանվածի մասին:
