Պատգամավորները կստորագրեն երդման տեքստի տակ․ նախագիծը դրական եզրակացություն ստացավ․ ՏԵՍԱՆՅՈՒԹ

ԱԺ պետական-իրավական հարցերի մշտական հանձնաժողովի նոյեմբերի 30-ի նիստում, ի թիվս այլ նախագծերի, երկրորդ ընթերցմամբ քննարկվել է նաև «Ազգային ժողովի կանոնակարգ» սահմանադրական օրենքում պատգամավորներ Ալխաս Ղազարյանի, Վլադիմիր Վարդանյանի և Արփինե Դավոյանի առաջարկած լրացումը: Նոր կարգավորմամբ երդվելուց հետո պատգամավորներն Ազգային ժողովի նիստում ստորագրելու են երդման տեքստի տակ:

Ըստ «Քաղաքացիական պայմանագիր» խմբակցության պատգամավոր, նախագծի համահեղինակ Ալխաս Ղազարյանի՝ «Ազգային ժողովի կանոնակարգ» սահմանադրական օրենքի 33-րդ հոդվածի 3-րդ մասի համաձայն՝ ողջույնի ելույթներից հետո պատգամավորները երդվում են: Նույն հոդվածի 4-րդ մասի համաձայն՝ նիստից բացակայող կամ Ազգային ժողովի կազմը հետագայում համալրած պատգամավորը երդվում է Ազգային ժողովի՝ իր մասնակցությամբ առաջին նիստում:

Նախկին խմբագրությամբ՝ «Ազգային ժողովի կանոնակարգ» սահմանադրական օրենքով սահմանված է եղել, որ Ազգային ժողովի կազմը հետագայում համալրած պատգամավորներն Ազգային ժողովի նիստում ստորագրում են երդման տեքստի տակ:

Վերոնշյալ կարգավորումը ենթադրում էր միայն ՀՀ Ազգային ժողովի կազմը հետագայում , իսկ սույն նախագծով առաջարկվում է նախատեսել բոլոր պատգամավորների համար Ազգային ժողովի նիստում երդման տեքստի տակ ստորագրում:

Ալխաս Ղազարյանը հայտնեց, որ առաջին ընթերցումից հետո առաջարկներ չեն ներկայացվել։

ԱԺ պետական-իրավական հարցերի մշտական հանձնաժողովում նախագիծը դրական եզրակացություն ստացավ։

Մանրամասները՝ տեսանյութում։