05.06.2026 | 15:37
CIES-ը գնահատել է Էդուարդ Սպերցյանի տրանսֆերային արժեքը
Պորտուգալիան ապացույցներ կներկայացնի ՖԻՖԱ-ին, որ Ուրուգվայի դեմ առաջին գոլը խփել է Ռոնալդուն
29.11.2022 | 18:25
Պորտուգալիայի ֆուտբոլի ֆեդերացիան մտադիր է ՖԻՖԱ-ին ապացույցներ ներկայացնել առ այն, որ ԱԱ-2022-ի խմբային փուլի երկրորդ տուրի՝ Պորտուգալիայի և Ուրուգվայի դեմ խաղի առաջին գոլը հեղինակել է Կրիշտիանու Ռոնալդուն: Այս մասին հայտնել է լրագրող Էդու Ագիրեն El Chiringuito-ի եթերում. գրում է armsport.am-ը։
Հիշեցնենք՝ Ռոնալդուն փորձել է եզրափակել Բրունու Ֆերնանդեշի փոխանցումը, և, հավանական է, մազերի ծայրով դիպչել է գնդակին, սակայն ՖԻՖԱ-ն գոլը գրանցել է Ֆերնանդեշի անվան դիմաց: Նա, փաստորեն, այս խաղում դուբլ է ձևակերպել՝ խաղավարտին էլ անվրեպ իրացնելով 11-մետրանոցը:
Պորտուգալիայի հավաքականը 6 միավոր է վաստակել և ժամանակից շուտ ապահովել է իր մասնակցությունը ԱԱ-2022-ի փլեյ-օֆֆ փուլին:
