27.06.2026 | 19:03
ԲՀԿ-ի համար ակնհայտ է՝ որևէ հաշվարկի դեպքում 4%-ի շեմը չի կարող համարվել հաղթահարված. Սուրեն Գրիգորյան․ ՏԵՍԱՆՅՈւԹ
Փաշինյանի եղբայրը վրաերթի է ենթարկվել, նրան վիրահատել են․նախաձեռնվել է քրեական վարույթ
Հասարակություն
29.11.2022 | 17:24
Այսօր Մալաթիա-Սեբաստյա վարչական շրջանում վրաերթի է ենթարկվել վարչապետ Նիկոլ Փաշինյանի եղբայր Արմեն Փաշինյանը։ Ոստիկանության լրատվական ծառայությունից Factor.am-ի հետ զրույցում թեև հաստատեցին, որ վարչական շրջանում վրաերթ գրանցվել է, սակայն զերծ մնացին պատահարի մասին մանրամասներ հայտնելուց։
Փաշինյանի ընտանիքին պատկանող «Հայկական ժամանակ» օրաթերթը, սակայն, որոշ մանրամասներ է հրապարակել պատահարից։ Մասնավորապես, ՀԺ-ի տեղեկություններով՝ Արմեն Փաշինյանի առողջական վիճակը լավ է, լուրջ վնասվածքներ չի ստացել, ունի թեթև կոտրվածքներ, նրան վիրահատում են:
Ինչպես Factor.am-ին տեղեկացրեց Քննչական կոմիտեի մամուլի խոսնակ Գոռ Աբրահամյանը՝ նախաձեռնվել է քրեական վարույթ՝ ՀՀ քրեական օրենսգրքի 342-րդ հոդվածի 1-ին մասով՝ ավտոմեքենա կամ մեխանիկական այլ տրանսպորտային միջոց վարող անձի կողմից ճանապարհային երթևեկության անվտանգության ապահովմանն ուղղված պահանջ կամ ճանապարհային երթևեկության կամ տրանսպորտային միջոցների շահագործման անվտանգությունն ապահովող կանոն խախտելը, որը մարդու առողջությանն անզգուշությամբ պատճառել է ծանր կամ միջին ծանրության վնաս։ Իրականացվում է նախաքննություն։
Ռոզա Վարդանյան
