20.11.2024 | 22:30
Սարգիս Բեգոյանը` ըմբշամարտի զինվորականների աշխարհի առաջնության արծաթե մեդալակիր
Ադրբեջանի Մեջլիսի պատգամավորն առաջարկել է փոխել երկրի անվանումը
Քաղաքականություն
29.11.2022 | 18:16
Ադրբեջանի Միլլի Մեջլիսի պատգամավորները, որոնք մշտապես հանդես են գալիս «յուրատեսակ» հայտարարություններով, այսօրվա նիստում ևս որոշել են հետ չմնալ։ Մասնավորապես, պատգամավոր Գուդաթ Հասանգուլիևն առաջարկել է փոխել երկրի անվանումը։
Նա նաև հայտարարել է, որ անհրաժեշտ է փոխել երկրի սահմանադրությունը։
«Առաջին քայլը, որը մենք պետք է այստեղ անենք, պետք է լինի Ադրբեջանի անվանափոխումը։ Մեր երկրի անվանումը պետք լինի Հյուսիսային Ադրբեջան։ Այնպես, ինչպես միշտ բաժանված ժողովուրդների անվան մեջ առկա է հյուսիսայինն ու հարավայինը։ Կարծում եմ, սա նաև խթան կհանդիսանա հարավային Ադրբեջանի մեր հայրենակիցների համար»,- ասել է պատգամավորը՝ նկատի ունենալով Իրանի Արևելյան Ատրպատական նահանգի բնակչությանը։
Այսպիսով՝ Ադրբեջանը շարունակում է իր ագրեսիվ քաղաքականությունը հարևանների նկատմամբ, այս անգամ էլ տարածքային ստահոդ պահանջներ ներկայացնելով ոչ միայն Հայաստանին, այլև Իրանին։
Էմմա Չոբանյան
