12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
ԱՄՆ-ը 320 մլն դոլարով հրթիռներ կվաճառի Ֆինլանդիային
Քաղաքականություն
29.11.2022 | 17:17
ԱՄՆ Պետդեպարտամենտը հավանություն է տվել Ֆինլանդիային 323 մլն դոլարի հրթիռների և տարբեր զինատեսակների վաճառքին։ Այս մասին հայտնել է ԱՄՆ պաշտպանության և անվտանգության համագործակցության գործակալության (DSCA) կայքը, գրում է DW-ի ռուսական ծառայությունը։ Այժմ գործարքը պետք է հաստատվի Կոնգրեսի կողմից։ Մատակարարումները կներառեն 40 AIM-9X Sidewinder Block II կարճ հեռահարության կառավարվող հրթիռներ, դրանց համար նախատեսված մարտավարական ուղղորդման չորս համակարգեր, 48 AGM-154 JSOW մարտավարական հրթիռներ, ինչպես նաև տարբեր ուսումնական և օժանդակ սարքավորումներ և պահեստամասեր:
Պենտագոնն ընդգծել է, որ հավանական վաճառքը «կնպաստի Միացյալ Նահանգների արտաքին քաղաքականությանը և ազգային անվտանգությանը», կապահովի Ֆինլանդիան «օդ-օդ» և «օդ-ցամաք» դասի զենքերով, ինչպես նաև դրականորեն կանդրադառնա սկանդինավյան երկրների հետ ԱՄՆ հարաբերությունների վրա:
«ԱՄՆ ազգային շահերի համար կենսական նշանակություն ունի օգնել Ֆինլանդիային զարգացնել և պահպանել ուժեղ ինքնապաշտպանական կարողությունները», – ասվում է գործակալության հայտարարության մեջ՝ նշելով, որ հավանական վաճառքը «չի փոխի հիմնական ռազմական հավասարակշռությունը տարածաշրջանում»:
