30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Ուկրաինական պատերազմի ընթացքում ԱՄՆ-ն ու ՌԴ-ն միայն մեկ անգամ են օգտագործել երկրների միջև հատուկ կապի գիծը․Reuters
Քաղաքականություն
29.11.2022 | 17:25
Ռուսաստանի ու ԱՄՆ-ի զինվորականները Ուկրաինայում պատերազմի մեկնարկից ի վեր միայն մեկ անգամ են օգտագործել հատուկ կապի գիծը, որը ստեղծվել է երկրների միջև հակամարտությունների կանխարգելման համար։ Այս մասին հայտնում է Reuters-ը՝ հղում անելով ԱՄՆ վարչակազմի ներկայացուցչին, գրում է Meduza-ն։
Պաշտոնյան անանունության պայմանով պատմել է, որ ԱՄՆ-ն մեկ զանգ է նախաձեռնել՝ մտահոգություն հայտնելու Ուկրաինայի կարևոր ենթակառուցվածքների մոտ ռուս զինվորականների գործողությունների վերաբերյալ։ Գործակալության զրուցակիցը չի հստակեցրել բանակցությունների մանրամասները՝ նշելով միայն, որ դրանք առնչություն չունեն նոյեմբերի 15-ին Լեհաստանում հրթիռի ընկնելու միջադեպի հետ։
Լրատվականը հիշեցնում է, որ ավելի վաղ ԱՄՆ-ն հրապարակավ մտահոգություն էր հայտնել Զապորոժիեի ԱԷԿ-ի շուրջ ստեղծված իրավիճակով, որը գտնվում է ռուսական զորքերի վերահսկողության տակ։ Հիշեցնենք՝ հատուկ կապի գիծը, որը միացում է ԱՄՆ ԶՈՒ-ի եվրոպական հրամանատարությունն ու ՌԴ ՊՆ ազգային կատավարման կենտրոնը, սկսել է գործել 2022 թ-ի մարտին, Ուկրաինայում ռազմական գործողությունների մեկնարկից շատ չանցած։
Էմմա Չոբանյան
