03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
ԵՄ երկրները կրկին չեն կարողացել համաձայնության գալ ռուսական նավթի գնի վերին շեմ սահմանելու շուրջ․ Bloomberg
Քաղաքականություն
29.11.2022 | 12:50
Երկուշաբթի օրը ԵՄ երկրները կրկին չեն կարողացել պայմանավորվել ռուսական նավթի գնի կոնկրետ շեմ սահմանելու շուրջ։ Այս մասին հայտնում է Bloomberg-ը՝ դիվանագիտական իր աղբյուրներին հղումով։ ԵՄ երկրները քննարկել են Ռուսաստանի Դաշնությունից հում նավթի գների վերին շեմ սահմանելու հարցը՝ մեկ բարելի դիմաց 62 դոլարը, սակայն բանակցությունները փակուղի են մտել։
Ըստ հրատարակության աղբյուրների՝ Լեհաստանը և Բալթյան երկրները նման գինը բարձր են համարում։ Ավելի վաղ գործակալությունը հայտնել էր, որ Եվրահանձնաժողովն առաջարկել է մեկ բարելի դիմաց 65 դոլար գինը, սակայն Լեհաստանն ու Բալթյան երկրները չեն համաձայնել այս շեմի հետ։ Իր հերթին, ծովային փոխադրումների զարգացած ենթակառուցվածք ունեցող երկրները, ինչպիսիք են Հունաստանը և Մալթան, չեն ցանկանում, որ գների «վերին շեմը» լինի 70 դոլարից ցածր։
Bloomberg-ը հիշեցնում է, որ ռուսական գազի վերին շեմ սահմանելու համար անհրաժեշտ է ԵՄ անդամ բոլոր երկրների համաձայնությունը։ Գործակալությունը, հղում անելով ԵՄ փաստաթղթին, նաև նշում է, որ Բրյուսելն առաջարկել է պայմանավորվել 45-օրյա անցումային շրջանի շուրջ՝ մինչև ռուսական նավթի գների վերին շեմի հնարավոր ընդունումը, ինչպես նաև մեղմել ծովային փոխադրումների հետ կապված պահանջները։
Տաթև Ֆռանգյան
