16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Իրանում ձերբակալել են հոգևոր առաջնորդ Ալի Խամենեիի զարմուհուն
Քաղաքականություն
28.11.2022 | 20:55
Իրանի հոգևոր առաջնորդ և ղեկավար այաթոլլա Ալի Խամենեիի զարմուհին՝ Ֆարիդե Մորադխանին, ձերբակալվել է այն բանից հետո, երբ համաշխարհային հանրությանը կոչ է արել խզել բոլոր կապերը երկրի իշխանությունների հետ։ Այս մասին, հայտնել են ամերիկյան մի շարք լրատվամիջոցներ՝ վկայակոչելով Մորադանիի եղբորը, գրում է DW-ի ռուսական ծառայությունը։
Ֆրանսիայում բնակվող տղամարդու խոսքով՝ ինքը քրոջը կալանքի տակ վերցնելուց հետո է հրապարակել նախապես տեսագրված տեսանյութը։ Իր ուղերձում Մորադխանին Իրանի իշխանություններին անվանել է «արյունոտ և մանկասպան ռեժիմ» և կոչ է արել մարդկանց պահանջել իրենց կառավարություններից խզել բոլոր կապերը իր հետ։
«Ազատ ժողովուրդ, եղեք մեզ հետ և ասեք ձեր կառավարություններին, որ դադարեցնեն այս արյունալի և մանկասպան ռեժիմին աջակցելը։ Այս ռեժիմը հավատարիմ չէ իր կրոնական սկզբունքներից և ոչ մեկին և չգիտի այլ օրենքներ ու կանոններ, բացի ուժից և իր իշխանությունը ցանկացած միջոցներով պահպանելուց»,- ասել է Մորադխանին։ Ուղերձից պարզ չէ, թե այն կոնկրետ երբ է տեսագրվել։
Մահմուդ Մորադխանիի խոսքով՝ իր քույրը ձերբակալվել է նոյեմբերի 23-ին, երբ նրան կանչել են դատախազություն։ Ֆարիդեն և Մահմուդ Մորադխանին հոգևորական և ընդդիմադիր Ալի Թեհրանիի երեխաներն են․ նա ամուսնացած է եղել գերագույն առաջնորդ Բադրի Հոսեյնի Խամենեիի քրոջ հետ։ Թեհրանին մահացել է հոկտեմբերին։
Իրանում զանգվածային բողոքի ցույցերը շարունակվում են սեպտեմբերի վերջից։ Դրանց պատճառը 22-ամյա Մախսա Ամինիի մահն էր, որը ձերբակալվել էր հիջաբը «սխալ» կրելու համար։ Ականատեսների խոսքով՝ աղջկան ոստիկանությունում ծեծել են, որից հետո նա կոմայի մեջ է ընկել ու մահացել։
Տաթև Ֆռանգյան
