15.01.2025 | 18:07
Խաչատուր Սուքիասյանի տղան ինչո՞ւ չի զորակոչվել բանակ. հարց` Պապիկյանին․ ՏԵՍԱՆՅՈՒԹ
Վաղը սպասվում է Շվեդիայի ու Ֆինլանդիայի՝ ՆԱՏՕ-ին անդամակցության հարցով եռակողմ հանդիպում
Քաղաքականություն
28.11.2022 | 20:09
Թուրքիայի ԱԳ նախարար Մևլութ Չավուշօղլուն հայտարարել է, որ Շվեդիայի ու Ֆինլանդիայի՝ ՆԱՏՕ-ին անդամակցության հարցով վաղը Բուխարեստում եռակողմ հանդիպում է լինելու, գրում են թուրքական լրատվամիջոցները։
Նա նաև նշել է, որ Սկանդինավյան երկրների ՆԱՏՕ-ին անդամակցության հարցը շարունակվում է «դրական կերպով», սակայն պետք է բավարար քայլեր արվեն Անկարայի պահանջների բավարարման համար։ Ըստ Չավուշօղլուի՝ որոշ պարտավորություններ կատարվել են, մեծ մասը՝ ոչ։
«Ֆինլանդիայի հետ խնդիրներն այնքան էլ մեծ չեն։ Մենք խնդիրներ ունենք հիմնականում Շվեդիայի հետ կապված։ Այնուամենայնիվ, երկու երկրներն ու ՆԱՏՕ-ն ասում են, որ մեզ հավասար են վերաբերվում։ Շվեդիան այն երկիրն է, որը պետք է ավելի շատ քայլեր ձեռնարկի»,-ասել է Չավուշօղլուն։
Հավելենք, որ Թուրքիան ու Հունգարիան ՆԱՏՕ-ի անդամ այն երկրներն են, որոնք դեռ չեն վավերացրել Շվեդիայի ու Ֆինլանդիայի՝ դաշինքի անդամության դիմումը։
Էմմա Չոբանյան
