17.08.2026 | 23:08
Զորականում և Ամասիայում շչակներ են փորձարկվելու
Էլեկտրամատակարարման խափանման հետևանքով Մոլդովայի սահմանային անցակետերից 6-ը չի գործում
Քաղաքականություն
28.11.2022 | 15:55
Ուկրաինա-Մոլդովա սահմանի վեց անցակետեր դադարեցրել են աշխատանքը։ Պատճառը ուկրաինական կողմի տվյալների բազայում էլեկտրաէներգիայի բացակայությունն ու տեխնիկական խափանումներն են, գրում է տեղական Newsmaker թերթը՝ հղում անելով Մոլդովայի սահմանային ոստիկանությանը, փոխանցում է BBC-ի ռուսական ծառայությունը։
Աշխատանքները դադարեցվել են Վուլկանեստի-Վինոգրադովկա, Միրնոե-Տաբակի, Բասարաբկա-Ավգուստովո, Սեադիր-Լունգա-Նյու Տրայանե, Օկնիտա-Սոկիրյանե և Սեյց-Լեսնե կետերում: Ուկրաինացի սահմանապահները դեռ չեն մեկնաբանել այս տեղեկությունը։
Նոյեմբերի 23-ին Ուկրաինային ռուսական հրթիռային հարվածներից հետո Մոլդովան նույնպես մասամբ զրկվել է էլեկտրաէներգիայից։ Ուկրաինական էներգետիկ օբյեկտների վրա ռուսական նոր հարձակումների մասին նախազգուշացումների ֆոնին հնարավոր են նոր անջատումներ։
Տաթև Ֆռանգյան
