Քաղաքականություն
28.11.2022 | 14:25
ԱՄՆ կառավարությունն ու Կոնգրեսը մտավախություն ունեն, որ Ուկրաինային տրվող ռազմական օգնությունը ավելի կխորացնի Թայվանին զենքի մատակարարումների ձգձգման խնդիրը, գրում է Meduza-ն՝ հղում անելով The Wall Street Journal-ին։ Ըստ պարբերականի աղբյուրների՝ Թայվան չկատարված մատակարարումներ ծավալը հասել է 18,7 մլրդ դոլարի։ 2021 թ-ի դեկտեմբերին այդ ցուցանիշը գնահատվում էր մոտ 14 մլրդ դոլար։ Թայվանը մինչ օրս չի ստացել 208 Javelin զենիթահրթիռային համակարգեր և 215 Stinger հրթիռներ, որոնք պատվիրվել էր դեռ 2015 թվականի վերջին։ ԱՄՆ-Չինաստան տնտեսական և անվտանգության վերանայման հանձնաժողովը ևս նախազգուշացրել է Stinger և Paladin ինքնագնաց հրետանային կայանների մատակարարումների հնարավոր ձգձգումների մասին:
Պենտագոնի խոսնակ Սաբրինա Սինգհն էլ հայտարարել է, որ ԱՄՆ-ն աշխատում է ապահովելու, որ և՛ Թայվանը, և՛ Ուկրաինան ունենան պաշտպանվելու հնարավորություն: Լրատվամիջոցը նաև նշում է, որ Կիևը զենք է ստանում արդեն եղած պաշարներից, իսկ ահա Թայվանին պետք է մատակարարվի նոր սպառազինություն։
Էմմա Չոբանյան
