27.06.2026 | 19:03
ԲՀԿ-ի համար ակնհայտ է՝ որևէ հաշվարկի դեպքում 4%-ի շեմը չի կարող համարվել հաղթահարված. Սուրեն Գրիգորյան․ ՏԵՍԱՆՅՈւԹ
«Թուրքիան իրավունք ունի ցանկացած գործողության իր սահմաններից դուրս ու ներս, ոչ ոք չի կարող խանգարել»․ Էրդողան
Քաղաքականություն
28.11.2022 | 13:56
Թուրքիայի նախագահ Ռեջեփ Թայիփ Էրդողանը հայտարարել է, որ ոչ ոք Անկարային չի կարող խանգարել իրացնել սեփական անվտանգությունն ապահովելու իր իրավունքը։ Այս մասին Էրդողանը խոսել է՝ մեկնաբանելով Իրաքի ու Սիրիայի հյուսիսում թուրքական բանակի վերջին ռազմաօդային գործողությունները, գրում են թուրքական լրատվամիջոցները։
«Թուրքիան իրավունք ունի ցանկացած գործողություն իր սահմաններից դուրս ու ներս տարածքներում, որոնք նշել է սեփական անվտանգության ապահովման համար»,-ասել է Էրդողանը Ստամբուլում իր ելույթում։ Նրա խոսքով՝ «Pençe Kilit» գործողության սկզբից ի վեր Թուրքիայի զինված ուժերը «վնասազերծել են PKK/YPG-ի 480 ահաբեկիչների»։
Բացի այդ Էրդողանը չի բացառել, որ Թուրքիան կարող է Սիրիայի հետ դիվանագիտական հարաբերությունները կարգավորել։ «Սա ակնհայտորեն անհանգստացնում է որոշ շրջանակների: Հետագա ժամանակահատվածում հարաբերությունները կարող են վերադառնալ հուն նաև Սիրիայի հետ, ինչպես եղավ Եգիպտոսի դեպքում։ Քաղաքականության մեջ ծանր զգացմունքների համար տեղ չկա»,-ասել է Թուրքիայի նախագահը։
Էմմա Չոբանյան
