09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
25-րդ հեռուստամարաթոնի ընթացքում հավաքագրվել է ավելի քան 11 մլն դոլար
25.11.2022 | 17:31
Ս.թ. նոյեմբերի 24-ին «Մենք ստեղծում ենք կենսունակ համայնքներ» խորագրի ներքո տեղի է ունեցել «Հայաստան» համահայկական հիմնադրամի 25-րդ հեռուստամարաթոնը, որի ընթացքում այս պահի դրությամբ հավաքագրվել է 11 003 439. 51 ԱՄՆ դոլար․ տեղեկացնում են «Հայաստան» համահայկական հիմնադրամից։
«Հարկ ենք համարում նշել, որ դրամահավաք–միջոցառումները դեռ շարունակվում են, իսկ վերջնական արդյունքները կամփոփվեն տարեվերջին:
«Հեռուստամարաթոն 2022»–ի շրջանակում Հայաստանից և Արցախից հանգանակվել է 1 000 280.51 ԱՄՆ դոլար, ԱՄՆ–ի տեղական մարմինը հավաքագրել է 5 000 250 ԱՄՆ դոլար, Ֆրանսիայի տեղական մարմինը՝ 3 284 000 ԱՄՆ դոլար, Մեծ Բրիտանիայի տեղական մարմինը՝ 700 000 ԱՄՆ դոլար, Կանադայի (Տորոնտո) տեղական մարմինը 547 272 ԱՄՆ դոլար, ինչպես նաև նվիրատվություններ են կատարվել հետևյալ երկրներից՝ Կանադայի (Մոնրեալ) 204 000 ԱՄՆ դոլար, Բրազիլիա 100 000 ԱՄՆ դոլար, Շվեյցարիա 80 000 ԱՄՆ դոլար, Գերմանիա 52 660 ԱՄՆ դոլար, Արգենտինա 25 000 ԱՄՆ դոլար, Ավստրիա 6 144 ԱՄՆ դոլար, Ռումինիա 3 833 ԱՄՆ դոլար:
«Մենք ստեղծում ենք կենսունակ համայնքներ» խորագրով հեռուստամարաթոնի միջոցները կնպատակաուղղվեն Հայրենիքի սահմանային համայնքների առողջապահական, սոցիալական, կրթական, մշակութային, ենթակառուցվածքների վերականգնման, ինչպես նաև սահմանային համայնքների զարգացմանն ուղղված ծրագրերի ֆինանսավորմանը:
Շնորհակալ ենք մեր բոլոր գործընկերներին և նվիրատուներին շարունակական աջակցության, անմնացորդ նվիրումի և Հայրենիքի կողքին կանգնելու համար, ինչի շնորհիվ բարելավվել է մեր տասնյակ հազարավոր հայրենակիցների կյանքը»,- ասված է հաղորդագրությունում։
Ստորև՝ նախորդ տարիների տվյալները․
2005 թ.-ին՝ 7.77 միլիոն ԱՄՆ դոլար,
2006 թ.-ին. 13,7 մլն դոլար,
2007 թ.ին-՝ 15,275,000 ԱՄՆ դոլար,
2008 թ.-ին՝ 35 միլիոն 9156 ԱՄՆ դոլար,
2009 թ.-ին՝ 15.875.043 ԱՄՆ դոլար,
2010 թ.-ին՝ 20,8 միլիոն դոլար,
2011 թ.-ին 12.286.478 ԱՄՆ դոլար,
2012 թ.՝ 21 422 477 ԱՄՆ դոլար,
2013 թ.-ին՝ 22 661 372 ԱՄՆ դոլար,
2014 թ.-ին՝ 12 399 550 ԱՄՆ դոլար,
2015 թ.-ին՝ 10 378 465 ԱՄՆ դոլար,
2016 թ.-ին՝ 15,428.777 ԱՄՆ դոլար,
2017 թ.-ին՝ 12.505.456 մլն ԱՄՆ դոլար
2018 թ․-ին՝ 11․ 109․ 633 մլն ԱՄՆ դոլար
2019 թ․ին՝ 9․856․000 ԱՄՆ դոլար
2020 թ․ -ին՝ 22.990.898 մլն ԱՄՆ դոլար
2021 թ․-ին՝ 12,351,000 մլն ԱՄՆ դոլար
