20.11.2024 | 22:30
Սարգիս Բեգոյանը` ըմբշամարտի զինվորականների աշխարհի առաջնության արծաթե մեդալակիր
ՌԴ-ն թուլանում է․ ՀՀ-ն պիտի ՀԱՊԿ-ից դուրս գա՝ վա-բանկի գնալով․ կուժեղանանք Արևմուտքի օգնությամբ․ Հայկ Սուքիասյան․ ՏԵՍԱՆՅՈՒԹ
Քաղաքականություն
25.11.2022 | 19:17
Իլհամ Ալիևը մերժել է դեկտեմբերի 7-ին Բրյուսելում հանդիպել Նիկոլ Փաշինյանի հետ:
«Հիքմեթ Հաջիևը ինձ տեղեկացրեց, որ իր հետ կապվել են ԵՄ Խորհրդի նախագահ Շառլ Միշելի գրասենյակից ու տեղեկացրել, որ Հայաստանի վարչապետ Նիկոլ Փաշինյանը կհամաձայնի հանդիպմանը միայն այն պայմանով, որ դրան մասնակցի Ֆրանսիայի նախագահ Էմանուել Մակրոնը։ Դա նշանակում է, որ հանդիպումը չի կայանա»,- ասել է Ադրբեջանի նախագահը։
Հոկտեմբերին 6-ին Պրահայում էր Փաշինյան-Մակրոն-Միշել-Ալիև ձևաչափով հանդիպում տեղի ունեցել։ Եվ ի տարբերություն ԵՄ-ի հարթակներում այլ հանդիպումների՝ Մակրոնի մասնակցությամբ հանդիպմանն արդյունքներ գրանցվեցին, օրինակ՝ միմյանց տարածքային ամբողջականության ճանաչումը։
Ինչո՞ւ է Մակրոնից կաշկանդվում Ալիևը։ Քրիստոնեա-ժողովրդավարական կուսակցության փոխնախագահ, քաղաքագետ Հայկ Սուքիասյանը Factor TV-ին տված հարցազրույցում ասում է, որ, ըստ երևույթին, Ալիևը հրաման է ստացել ՌԴ-ից և Թուրքիայից՝ Հայաստանի հետ գործընթացը խաթարելու։
«Ինչո՞ւ, եկեք միտումները նայենք․ Մակրոնի մասնակցությամբ արևմտյան ձևաչափերում հանդիպումները միտում ունեն, որ խաղաղության օրակարգը հնարավոր է, օրինակ՝ ճանաչո՞ւմ ենք իրար տարածքային ամբողջականությունը, այո՛, ճանաչում ենք։ Սա հիմք է հետագայում աշխատելու համար։ Բայց իրենց նպատակն արդյո՞ք դա է․ ո՛չ, դա չէ իրենց նպատակը։ Նրանք մասնակցում են բանակցությունների արևմտյան ձևաչափերում, ուր իրենց ձեռքն ու ոտքը կապում են։ Ամեն դեպքում՝ դիմացինը ֆրանսիացի է, որը Ռիշելյե է ծնել, որի հետ թուրք «ԿԲԳ»-ականը կանգնել չի կարող։ Նա չի կարող Մակրոնի կամ արևմտյան ալ պետությունների հետ նստել, ռուսական խարդավանքներ անել։ Պարզ է, որ այս ձևաչափերում ՀՀ-ի դիրքերն ամրապնդվում են։ Հայաստանն արդար է՝ միջազգային իրավունքի փաստարկների դաշտում է, արտաքին աշխարհին հասկանալի է ՀՀ-ի տեսակետը»,- ասաց Հայկ Սուքիասյանը։
Հարցազրույցն ամբողջությամբ՝ տեսանյութում։
Ռոբերտ Անանյան
