Բաքվում Նիդեռլանդների դեսպանը կանչվել է ԱԳՆ՝ այդ երկրի ԱԳ նախարարի՝ Ադրբեջանի ռազմական հանցագործությունների մասին նամակի պատճառով

Պաշտոնական Բաքուն հիմա էլ նեղացել է Ամստերդամից և այսօր Ադրբեջանում Նիդեռլանդների Թագավորության արատակարգ ու լիազոր դեսպան Փաուլին Էյզեմային կանչել ԱԳՆ։

Ադրբեջանական լրատվամիջոցների հաղորդմամբ՝ հանդիպմանը դեսպանին դժոգոհություն են փոխանցել Նիդեռլանդների փոխվարչապետ, արտաքին գործերի նախարար Վոպկե Հոկստրայի՝ նոյեմբերի 23-ին այս երկրի խորհրդարան ուղարկված նամակի վերաբերյալ, որում մեղադրանքներ են կան Ադրբեջանի Զինված ուժերի կողմից իրականացված ռազմական հանցագործությունների վերաբերյալ։

Հիշեցնենք՝ պաշտոնական Բաքուն, որը պարտավորություն էր ստանձնել հետաքննել Ադրբեջանի բանակի զինծառայողների ռազմական հանցագործություններն ու հայ ռազմագերիների գնդակահարությունը, որի տեսանյութը նաև տարածվել էր համացանցում, դեռևս լռում է և այս ուղղությամբ որևէ աշխատանք չի իրականացրել։

Նիդեռլանդների ԱԳ նախարար Վոպկե Հուկստրան նամակ է հղել Ադրբեջանի խորհրդարանին այդ երկրի ռազմական հանցագործությունների  վերաբերյալ։ Նամակում ԱԳ նախարարը հիշեցնում է, որ Հարավային Կովկասում ԵՄ հատուկ ներկայացուցիչ Տոյվո Կլաարը հոկտեմբերի 2-ի իր թվիթերյան գրառման մեջ նողկանք էր հայտնել տեսանյութի առնչությամբ, որում ենթադրաբար ադրբեջանցի զինվորները գնդակահարում են հայ ռազմագերիներին։ Նա իր թվիթում կոչ էր արել անկախ հետաքննություն անցկացնել և տեսանյութի իսկության հաստատման դեպքում՝ մեղավորներին քրեական պատասխանատվության ենթարկել։

«Արտաքին գործողությունների եվրոպական ծառայության մամուլի քարտուղար Փիթեր Ստանոն հոկտեմբերի 3-ին կայացած մամուլի ասուլիսում կոչ է արել Ադրբեջանի իշխանություններին անկախ հետաքննություն անցկացնել տեսանյութում ներկայացված պատերազմի օրենքների ենթադրյալ խախտման վերաբերյալ։ Ադրբեջանի Գլխավոր դատախազությունը նույն օրը հայտարարել է, որ հետաքննելու է այս տեսանյութում հայտնված իրադարձությունները։ Ուստի Նիդեռլանդները չորեքշաբթի՝ հոկտեմբերի 5-ին, Ադրբեջանի դեսպանի հետ զրույցում քննարկել է տեսանյութի իրադարձությունները՝ նողկանք արտահայտելով տեսանյութում պատկերվածի հետ կապված և Ադրբեջանին կոչ է արել անաչառ ու անկախ հետաքննություն սկսել»,- ասվում  է նամակում։

Նա նաև նշել է, որ հետաքննության արդյունքները պետք հրապարակվեն, իսկ ենթադրյալ հանցագործները պատասխանատվության ենթարկվեն իրավասու մարմինների կողմից։ Նիդեռլանդներն էլ շարունակելու է պնդել անկախ հետաքննության և վերջինիս արդյունքների հրապարակայնացման հարցում։

Էմմա Չոբանյան