12.12.2024 | 16:28
Մեծ Բրիտանիայում նոր հակադրոնային լազեր են փորձարկել
Ակտաուում ընթանում է Թուրքիայի, Ադրբեջանի և Ղազախստանի ԱԳ նախարարների եռակողմ հանդիպումը․ միացել է նաև վրացական կողմը
Քաղաքականություն
25.11.2022 | 14:11
Ղազախական Ակտաուում անցկացվում է Թուրքիայի, Ղազախստանի և Ադրբեջանի արտաքին գործերի ու տրանսպորտի նախարարների եռակողմ հանդիպումը։ Սա նման ձևաչափով արդեն երկրորդ հանդիպումն է։ Inform.kz-ի փոխանցմամբ՝ հանդիպմանը մասնակցում են Ադրբեջանի ԱԳ նախարար Ջեյհուն Բայրամովը, Թուրքիայի ԱԳ նախարար Մևլութ Չավուշօղլուն, Ղազախստանի ԱԳ նախարար Մուխտար Տլեուբերդին։ Հանդիպմանն այս անգամ միացել է նաև Վրաստանի պատվիրակությունը։
Հաղորդվում է, որ նիստին նախատեսվում է ստորագրել «Միջին միջանցքի» զարգացման և երթուղու շահագործման «2022-2027թթ․ ճանապարհային քարտեզը», որն անցնում է Ղազախստանով, Թուրքիայով ու Ադրբեջանով՝ համաձայն ավելի վաղ ստորագրված Բաքվի հռչակագրի։
Հիշեցնենք՝ այս ձևաչափով նախարարական առաջին հանդիպումը տեղի է ունեցել Բաքվում հունիսի 27-ին, որի ընթացքում էլ ընդունվել է հռչակագիրը։ Այն նախատեսում է համագործակցություն տրանսպորտի ու հաղորդակցությունների ոլորտում։
Էմմա Չոբանյան
