16.09.2026 | 09:45
ՀՀ տարածքում ավտոճանապարհներն անցանելի են
Նիդեռլանդների խորհրդարանը ՌԴ-ն ճանաչել է ահաբեկչության հովանավոր պետություն
Քաղաքականություն
25.11.2022 | 13:38
Նիդեռլանդների խորհրդարանի Ներկայացուցիչների պալատը Ռուսաստանը ճանաչել է որպես ահաբեկչության հովանավոր պետություն՝ Ուկրաինայի դեմ պատերազմի պատճառով։ Այս մասին հայտնում է հոլանդական ANO լրատվական գործակալությունը, որին վկայակոչում է DW-ի ռուսական ծառայությունը։
Նշվում է, որ որոշմանն աջակցել է կուսակցությունների ճնշող մեծամասնությունը։ Փաստաթղթում ասվում է, որ ռուսական բանակը «կառուցվածքային ու միտումնավոր» հարվածներ է հասցնում Ուկրաինայի քաղաքացիական թիրախներին։
Խորհրդարանական ուժերի մեծ մասը նաև կոչ է արել հնարավոր առավելագույն աջակցություն ցուցաբերել Ուկրաինային հումանիտար, դիվանագիտական և ռազմական ոլորտներում։
Երկրի ԱԳ նախարար Վոլկո Հուկստրայի խոսքով՝ ՌԴ-ն ահաբեկչության հովանավոր պետություն ճանաչելը Նիդեռլանդների համար հատուկ հետևանքներ չունի՝ ի տարբերություն ԱՄՆ-ի։ Նա նաև նշել է, որ կցանկանար տեսնել՝ արդյո՞ք նման նախաձեռնությունն աջակցություն ունի ԵՄ-ի և ՆԱՏՕ-ի երկրներում, որպեսզի հնարավոր լիներ Ռուսաստանին համատեղ ուժերով նման կարգավիճակ տալ։
Էմմա Չոբանյան
