Պեսկովը՝ ՀԱՊԿ-ի հետագա ճակատագրի մասին. ՀՀ վերաքննիչ հակակոռուպցիոն դատարան կստեղծվի. ԼՈւՐԵՐ․ ՏԵՍԱՆՅՈւԹ

• Անվտանգության քարտուղար Արմեն Գրիգորյանն ընդունել է ԵՄ Արտաքին գործողությունների եվրոպական ծառայության Ռուսաստանի, Արևելյան գործընկերության, Կենտրոնական Ասիայի, տարածաշրջանային համագործակցության և ԵԱՀԿ հարցերով կառավարող տնօրեն Միխայել Զիբերտի գլխավորած պատվիրակությանը։ Հանդիպմանը ներկա էր նաև ՀՀ-ում ԵՄ պատվիրակության ղեկավար, արտակարգ և լիազոր դեսպան Անդրեա Վիկտորինը: ԱԽ քարտուղարն ընդգծել է ԵՄ դիտորդական կարողությունների առաքելության ու ԵԱՀԿ կարիքների գնահատման առաքելության դերակատարությունը՝ տարածաշրջանում անվտանգային միջավայրի ամրապնդման հարցում։
• ՀԱՊԿ-ի՝ Երևանի անցկացված գագաթնաժողովի ընթացքում Հայաստանին օգնության մասին հռչակագրի չընդունումը կասկածի տակ չի դնում այդ կազմակերպության գոյությունը։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը՝պատասխանելով հարցին, թե ՀԱՊԿ-ի ճակատագրի վրա որևէ ազդեցկություն կունենա՞ այն, որ չի ստորագրվել Հայաստանին օգնություն ցուցաբերելու միջոցառումների մասին հռչակագիրը։ «Որոշ կետերի շուրջ կան որոշակի տարաձայնություններ, որոնք իսկապես երեկ թույլ չեն տվել ստորագրել երկու փաստաթուղթ։ Բայց դա չի նշանակում, որ այն ինչ-որ կերպ վտանգում է ՀԱՊԿ-ի գոյությունը»,- ասել է նա։
• Վարչապետ Նիկոլ Փաշինյանն ընդունել է Հայաստանի շախմատի կանանց հավաքականի անդամ, աշխարհի և Եվրոպայի պատանեկան առաջնությունների հաղթող Մարիամ Մկրտչյանին և նրա մարզիչ Զավեն Անդրիասյանին։ Ողջույնի խոսքում վարչապետը նշել է, որ շատ ոգևորված է այս հաղթանակով. «Եվ հիմնական հարցը, որ ես տալիս եմ, և մենք մեզ տալիս ենք, հետևյալն է. մենք ինչ պիտի անենք, որ աջակցենք, որպեսզի Ձեր տաղանդը զարգանա և Հայաստանին բերի նորանոր և ավելի մեծ հաղթանակներ: Մենք լուրջ նպատակներ ունենք, որ պետք է իրագործենք»,- նշել է Փաշինյանը։

Այս ժամի լուրերը՝ տեսանյութում։