07.06.2026 | 15:10
ԱՊՀ դիտորդական առաքելությանը հավատարմագրումից զրկելու դիմում ենք ներկայացրել ԿԸՀ․ «Անկախ դիտորդ». ՏԵՍԱՆՅՈՒԹ
Կիևում աստիճանաբար վերականգնվում է ջրի և էլեկտրաէներգիայի մատակարարումը
Քաղաքականություն
24.11.2022 | 16:35
Կիևի քաղաքային ռազմական վարչակազմի տվյալներով՝ երեկվա զանգվածային գնդակոծությունից հետո քաղաքն աստիճանաբար վերադառնում է իր բնականոն կյանքին, գրում է BBC-ի ռուսական ծառայությունը։
Բնակելի շենքերի մոտ 25%-ը դեռ հոսանքազրկված է, սակայն քաղաքի բոլոր վթարային խմբերն ու կոմունալ ծառայություններն աշխատում են ռուսական հրթիռային հարձակման հետևանքները վերացնելու ուղղությամբ։
Կիևի ձախափնյա հատվածում ջրամատակարարումն արդեն ամբողջությամբ վերականգնվել է, աջ ափին ջրամատակարարումն ամբողջությամբ կվերականգնվի առաջիկա ժամերին։
Հասարակական տրանսպորտը՝ ստորգետնյա և վերգետնյա, աշխատում է գրեթե բնականոն։ Էներգախնայողության նպատակով երթուղիներում տրամվայի փոխարեն լրացուցիչ ավտոբուսներ են հայտնվել։
Տաթև Ֆռանգյան
