Ոչնչացումը գաղտնազերծումից հետո պետք է լինի․ Վիլեն Գաբրիելյանը պարզաբանեց․ ՏԵՍԱՆՅՈՒԹ

Ազգային ժողովի արտահերթ նիստում քննարկվում են «Ազգային անվտանգության մարմինների մասին» օրենքում փոփոխություններ և լրացումներ կատարելու մասին և «Ազգային անվտանգության մարմիններում ծառայության մասին» օրենքում փոփոխություններ և լրացումներ կատարելու մասին հարցերի նախագիծը։

«Մինչև նախատեսվող այս փոփոխությունը ԱԱԾ-ն որպես լիազոր մարմին իրավունք ուներ որոշակի տեղեկություն գաղտնազերծել։ Այս փոփոխություններով իրավունք է վերապահվում նաև ոչնչացնել տեղեկատվությունը, արխիվը։

Հարց է առաջանում, ի՞նչ հիմնավորումներով է դա արվելու։ Կարո՞ղ է մի օր պարզվել, որ ոչնչացրել են հսկայածավալ արխիվային այնպիսի նյութեր, որոնք կարող էին բացահայտել գործակալական ցանցեր։ Այդ ո՞ր օրենքն է սահմանում գաղտնի տեղեկությունների ոչնչացման ընթացակարգ»,- այս մասին նշեց «Հայաստան» խմբակցության պատգամավոր Արծվիկ Մինասյանը։

«Գործակալական ցանցերին վերաբերող տեղեկություններ կան, որ կուզեմ՝ ԱԱԾ-ն հրապարակի»,- արձագանքեց «Քաղաքացիական պայմանագիր» խմբակցության պատգամավոր Վիլեն Գաբրիելյանը։

«Ինչ վերաբերում է փաստաթղթերի ոչնչացմանը, Գաբրիելյանը նշեց, որ, օրինակ, ԶՈւ-ում բազմաթիվ փաստաթղթեր կան, որ գաղտնի են կամ հույժ գաղտնի, բայց օրենսդրությամբ սահմանված հստակ ժամկետներ կան, թե երբ հնարավոր կլինի դրանք ոչնչացնել․

«Առաջարկվող օրինագծով նախատեսվում է գաղտնազերծում, հետո նոր ոչնչացում, այլ ոչ թե ուղղակի ոչնչացում»,- ընդգծեց Գաբրիելյանը։

Մանրամասները՝ տեսանյութում։