12.12.2024 | 17:52
Բաղանիս, Բերքաբեր, Կիրանց, Գոմք բնակավայրերում բնակելի տուն կառուցելու նպատակով կտրամադրվի 21 մլն դրամ աջակցություն
ՀԱՊԿ նիստում, ցավոք, մեզ չի հաջողվել ընդհանուր հայտարարի գալ շատ կարևոր փաստաթղթերի վերաբերյալ․ ՏԵՍԱՆՅՈՒԹ
Քաղաքականություն
24.11.2022 | 12:45
«ՀԱՊԿ նիստում, ցավոք, մեզ չի հաջողվել ընդհանուր հայտարարի գալ շատ կարևոր փաստաթղթերի վերաբերյալ»,- կառավարության այսօրվա նիստում հայտարարեց վարչապետ Փաշինյանը։
«Երեկ ՀԱՊԿ գագաթնաժողովում, ցավոք, մեզ չի հաջողվել ընդհանուր հայտարարի գալ երկու շատ կարևոր փաստաթղթերի վերաբերյալ, բայց ես նաև ուզում եմ ասել, որ, իմ կարծիքով, տեղի է ունեցել շատ բաց անկեղծ և դրական քննարկում: Այդ մասին Կառավարության նիստի ընթացքում հայտարարեց ՀՀ վարչապետ Նիկոլ Փաշինյանը:
Վարչապետի խոսքով՝ այդ երկու փաստաթղթերն ուղարկվել են լրամշակման:
«Ես հույս ունեմ, որ կկարողանանք լրամշակել և գալ ընդհանուր հայտարարի, բայց, ընդհանուր առմամբ, չնայած այն հանգամանքին, որ ՀԱՊԿ հռչակագիրը չընդունվեց, այսինքն՝ մենք չստորագրեցինք հռչակագիրը և սեպտեմբերի 13-ի էսկալացիայի վերաբերյալ ՀԱՊԿ արձագանքի որոշումը չընդունվեց, էլի մեր չստորագրելու պատճառով, բայց ուզում եմ ասել, որ ընդհանուր առմամբ դրական եմ համարում. և դրական եմ համարում նաև ՌԴ-ի հետ երկկողմ ձևաչափով բանակցությունները և հույս ունեմ, որ պայմանավորվածությունները, որոնք արձանագրվեցին, հնարավորինս արագ կիրականացնենք»,- նշեց Փաշինյանը։
Մանրամասները՝ տեսանյութում։
