07.06.2026 | 09:03
Հայաստանն ընտրում է. մեկնարկել է խորհրդարանական ընտրությունների քվեարկությունը․ ԼՈՒՍԱՆԿԱՐՆԵՐ
Ղազախստանի ներկայացուցիչ Իմանգալի Տասմագամբետովը՝ ՀԱՊԿ գլխավոր քարտուղար
Քաղաքականություն
23.11.2022 | 17:03
Ղազախստանի ներկայացուցիչ Իմանգալի Տասմագամբետովը կկատարի Հավաքական անվտանգության պայմանագրի կազմակերպության (ՀԱՊԿ) գլխավոր քարտուղարի պարտականությունները։ Այս մասին ՀԱՊԿ Հավաքական անվտանգության խորհրդի նիստի ժամանակ հայտարարել է Հայաստանի վարչապետ Նիկոլ Փաշինյանը։
«Ցանկանում եմ նշել, որ Ստանիսլավ Զասն ավարտում է իր եռամյա գործունեությունը ՀԱՊԿ գլխավոր քարտուղարի պաշտոնում, և ուզում եմ շնորհակալություն հայտնել նրան բարեխիղճ աշխատանքի համար։ Քանի որ 2023 թվականից առաջիկա երեք տարիներին գլխավոր քարտուղարի պարտականությունները կատարելու է Ղազախստանի ներկայացուցիչ Իմանգալի Տասմագամբետովը, կարծում եմ, որ արդար կլինի, որ Կասիմ-Ժոմարտ Տոկաևը նրան ներկայացնի մեզ, եթե նպատակային է համարում»,- ասել է ՀՀ վարչապետը։
1993-1995 թվականներին Տասմագամբետովն աշխատել է որպես Ղազախստանի նախագահի օգնական, 1995-1997 թվականներին՝ փոխվարչապետ։ Նա նաև տարբեր ժամանակներում զբաղեցրել է նախագահի աշխատակազմի ղեկավարի տեղակալի և նախագահի առաջին օգնականի պաշտոնները։ 2002 թվականին նա նշանակվել է վարչապետ, իսկ 2003 թվականին՝ պետքարտուղար։
Հավելենք, որ Բելառուսի ներկայացուցիչ Ստանիսլավ Զասը երեք տարի զբաղեցնում էր ՀԱՊԿ գլխավոր քարտուղարի պաշտոնը։ Ավելի վաղ Զասը Բելառուսի ԱԽ քարտուղարն էր։
Էմմա Չոբանյան
