09.09.2026 | 14:56
«Սուտ եք խոսում, Տավուշից Ադրբեջանին գյուղ չի հանձնվել»․ բանավեճ՝ Ղալումյանի և Ղազարյանի միջև․ ՏԵՍԱՆՅՈւԹ
Ալիևի «ախպերներն» ինչո՞ւ են եկել Երևան, պարոն Փաշինյան. Լևոն Բարսեղյան․ ՏԵՍԱՆՅՈՒԹ
Քաղաքականություն
23.11.2022 | 14:35
Ազատության հրապարակում մեկնարկել է «Ո՛չ ՀԱՊԿ-ին, դուրս ՀԱՊԿ-ից» կարգախոսով ակցիան։
«ՀԱՊԿ-ը չաշխատեց և չի աշխատելու։ ՀԱՊԿ-ը դիտարկում եմ, որպես կայսրության ռեստավրացիայի պրոյեկտ, ինչպես նաև ԵԱՏՄ-ն»,- Ազատության հրապարակում ՀԱՊԿ-ից դուրս գալու պահանջով իրականացվող բողոքի ակցիայի ժամանակ այս մասին նշեց Գյումրու «ժուռնալիստների Ասպարեզ ակումբի» ղեկավար Լևոն Բարսեղյանը։
«Երևան են եկել Ալիևի բարեկամները՝ փաստորեն մեզ ամոթանքի մեջ դնելով։
Հասկանում ենք, որ մեր երկիրը հյուծված է, բայց մենք նվաստացած չպետք է լինենք։
Ալիևի «ախպերները»՝ հատկապես Վալոդը և Լուկաշենկոն ինչո՞ւ են եկել Երևան, պարո՛ն Փաշինյան։ Մեր հպա՛րտ վարչապետ, ի՞նչ գործ ունեն նրանք Հայաստանում։
Պարոն Փաշինյանը որոշեց ՀԱՊԿ-ն աշխատացնել, այդ գել ու գազաններին ուզում էիր, որ գան մեզ օգնե՞ն։
Քանի՞ անգամ պիտի դրանց ուխտադրուժ վարքին առնչվենք, որ համոզվենք՝ ՀԱՊԿ-ը ռուսական կայսրության փլուզման ուշացման պրոյեկտն է, Պուտինը հնարավոր ջանքերը ներդնում է, որպեսզի վերականգնի իր պատկերացրած փառահեղ կայսրությունը։
Հիմա Հայաստանը դառնում է նրանց համար հանդիպման տարա՞ծք։ Գնացեք ուրիշ տեղ հանդիպեք, մեր սահմանները վտանգավոր են, ամեն րոպե կարող են ռմբակոծել, ո՞ւր եք գալիս այստեղ»,- նշեց Բարսեղյանը։
Մանրամասները՝ տեսանյութում։
Հիշեցնենք, որ այսօր՝ նոյեմբերի 23-ին, Երևանում ՀՀ վարչապետ Նիկոլ Փաշինյանի նախագահությամբ մեկնարկել է ՀԱՊԿ Հավաքական անվտանգության խորհրդի նիստը:
Ալիևի «ախպերներն» ինչո՞ւ են եկել Երևան, պարոն Փաշինյան. հարթակից հարց ուղղեց ժուռնալիստների «Ասպարեզ» ակումբի նախագահ Լևոն Բարսեղյանը։
Մանրամասները՝ տեսանյութում։
