25.11.2024 | 21:30
Երևանում և 7 մարզում էլեկտրաէներգիայի անջատումներ կլինեն
Մեծ Բրիտանիան պատերազմի մեկնարկից ի վեր առաջին անգամ Ուկրաինային ուղղաթիռներ կմատակարարի
Քաղաքականություն
23.11.2022 | 14:15
Մեծ Բրիտանիայի պաշտպանության նախարար Բեն Ուոլեսը հայտարարել է Ուկրաինային մի քանի ուղղաթիռ տրամադրելու մասին։ Սա Լոնդոնից Կիևին առաջին նման մատակարարումն է, գրում է BBC-ի ռուսական ծառայությունը։
Խոսքը երեք WS-61 Sea King ուղղաթիռների փոխանցման մասին է, որոնք ավելի վաղ Թագավորական ռազմաօդային ուժերին էին ժառայում։ Դրանցից մեկն արդեն մատակարարվել է Կիևին։
Սա ուղղաթիռների հին մոդել է, որոնք այլևս չեն արտադրվում։ Դրանք օգտագործվել են Ֆոլքլենդյան, Պարսից ծոցի, Բալկանների և Իրաքի պատերազմների ժամանակ: Վերջին նման ուղղաթիռը շահագործումից հանվել է 2018 թվականին։
Դեռևս պարզ չէ, թե Ուկրաինան ինչպե՞ս է օգտագործելու այդ ուղղաթիռները, քանի որ սովորաբար դրանք նախատեսված են որոնողափրկարարական և բժշկական տրանսպորտային գործողությունների համար: Times-ը նշում է, որ դրանք հարմար են նաև հետախուզության համար։
Բեն Ուոլեսը հայտարարել է, որ բացի ուղղաթիռներից՝ Բրիտանիան Ուկրաինային կտրամադրի լրացուցիչ տասը հազար հրետանային արկ։ Բրիտանացի պաշտոնյայի խոսքով՝ իրենք կօգնեն Ուկրաինային պաշտպանել վերջերս ազատագրված տարածքները։
Մեծ Բրիտանիան ԱՄՆ-ից հետո Ուկրաինային ռազմական օգնություն տրամադրող երկրորդ խոշոր դոնորն է։
Էմմա Չոբանյան
