07.06.2026 | 12:58
Royal Flora Holland-ն իր շուկան բացում է Հայաստանից ծաղիկ արտադրողների համար. Նիդերլանդների ԱԳ նախարար
Իսրայելի նախագահը զանգահարել է Ալիևին և շնորհակալություն հայտնել
Քաղաքականություն
23.11.2022 | 12:46
Իսրայելի նախագահ Իսաակ Հերցոգը զանգահարել է Ադրբեջանի նախագահ Իլհամ Ալիևին։ Ադրբեջանական կողմի հաղորդմամբ՝ երկու նախագահների հեռախոսազրույցը նախօրեին տեղի է ունեցել Հերցոգի նախաձեռնությամբ, որը շնորհակալություն է հայտնել Ալիևին Իսրայելում դեսպանատուն բացելու որոշման համար։
Հերցոգը նաև նշել է, որ դա մեծ քայլ առաջ է Ադրբեջանի հետ «հիանալի հարաբերություններում, որը կարևոր բարեկամանական ու ռազմավարական երկիր է»։
Ալիևն էլ իր հերթին նշել է, որ դեսպանատուն բացելու որոշումը ավելի է ամրապնդում երկու երկրների միջև բարեկամական հարաբերությունները։ Հեռախոսազրույցի ընթացքում քննարկվել են նաև իսրայելա-ադրբեջանական հարաբերությունների տարբեր ասպեկտներ, մտքեր են փոխանակվել հետագա շփումների շուրջ։
Հավելենք, որ Բաքվի կողմից Իսրայելում դեսպանատուն բացելու որոշման ընդունումից հետո Թել Ավիվից ադրբեջանցի տարբեր պաշտոնյաներ պարբերաբար վերին օրերին հեռախոսազանգեր են ստանում։ Ավելի վաղ Իսրայելի ԱԳՆ գլխավոր տնօրեն Ալոն Ուշպիցն էր հեռախոսազրույց է ունեցել Ադրբեջանի նախագահի օգնական Հիքմեթ Հաջիևի հետ։
Օրերս էլ Իսրայելի ՊՆ ղեկավար Բենի Գանցն էր զանգահարել Ադրբեջանի իր գործընկեր Զաքիր Հասանովին՝ շնորհակալություն հայտնելով դեսպանատուն բացելու որոշման համար։ Բացի այդ՝ նախարարները նաև ռազմատեխնիկական համագործակցության հարցեր են քննարկել։
Հիշեցնենք, որ նոյեմբերի 18-ին Ադրբեջանի Միլլի Մեջլիսն ընդունել էր «Իսրայելում Ադրբեջանի դեսպանություն հիմնելու մասին» օրենքը։ Դեսպանատունը բացվելու է Թել Ավիվում։ Այս որոշումն Իսրայելի ԱԳՆ-ն «պատմական» է որակել։
Էմմա Չոբանյան
