06.05.2024 | 23:35
Պարեկները ապրիլի 29-ից մայիսի 6-ը Երևանում հայտնաբերել են 4 123, մարզերում՝ 12 068 խախտում
Թուրքիայում ուժեղ երկրաշարժի հետևանքով մարդիկ գիշերել են փողոցներում․ ավերվածություններ կան․ ԼՈՒՍԱՆԿԱՐՆԵՐ
Քաղաքականություն
23.11.2022 | 13:16
Թուրքիայի հյուսիս-արևմտյան Գյոլյաքա նահանգի Դյուզջե քաղաքում 5,9 մագնիտուտ հզորությամբ երկրաշարժ է տեղի ունեցել։ Duvar-ի հաղորդմամբ՝ ցնցումները գրանցվել են տեղական ժամանակով 04.08-ին և զգացվել Ստամբուլում, Բոլուում, Սաքարիայում, Անկարայում, Բարթինում, Քոջաելիում, Քութահիայում, Բիլեջիքում, Զոնգուլդաքում, Բուրսայում և Իզմիրում։
Վերջին տվյալներով՝ տուժածների թիվը հասել է 46-ի, որոշների վիճակը գնահատվում է ծանր։ Զոհերի մասին դեռևս տեղեկություններ չկան։
Նշվում է, որ վիրավորներից 37-ը Դյուզջեից են, 6-ը տուժել են Զոնգուլդաքում, մեկական տուժածներ էլ կան Ստամբուլում, Բոլում, Սաքարիայում։
ՆԳՆ-ի տվյալներով՝ երկրաշարժին հետևել է 4,3 մագնիտուդով 74 հետցնցում։
Վախեցած մարդիկ գիշերն անցկացրել են փողոցներում։ Մարդիկ հիմնականում հավաքվել են այգիներում, ոմանք էլ սոցիալական նշանակության օբյեկտներում են գիշերել։ Արտակարգ իրավիճակների կառավարման մարմինը մարդկանց վրաններ և տաք հագուստ է բաժանել։
Երկրաշարժի հետևանքով կան փլուզումներ ու ավերածություններ։ Իշխանությունները փլուզումների վերաբերյալ դեռևս հստակ տվյալներ չեն հաղորդում, սական սոցիալական ցանցերում արդեն լուսանկարներ են տարածվել։
Էմմա Չոբանյան
