17.08.2026 | 23:08
Զորականում և Ամասիայում շչակներ են փորձարկվելու
ՀՀ տարածքները փոքրացել են ի հաշիվ ՌԴ պետական շահի․ Գագիկ Մելքոնյան. ՏԵՍԱՆՅՈւԹ
Քաղաքականություն
22.11.2022 | 19:39
Նոյեմբերի 23-ին Երևանում տեղի կունենա ՀԱՊԿ-ի գագաթաժողովը․ քննարկվելու է նաև ՀՀ-ին օգնություն տրամադրելու հարցը։
Թեմայի շուրջ Factor TV-ի հետ զրույցում «Քաղաքացիական պայմանագիր» խմբակցության պատգամավոր, ՀՀ պաշտպանության նախկին փոխնախարար Գագիկ Մելքոնյանը նշեց․ «Ենթադրում եմ, որ ոչ մի հարց էլ չի լուծվի, հնարավոր է հումանիտար օգնություն առաջարկեն, բայց մինչև հիմա լուռ են, Ադրբեջանին ագրեսոր չեն ճանաչում։ Իրենք այդ հարցի չեն անդրադառնա այնպես, ինչպես մենք ենք ուզում․․․ ՀԱՊԿ-ը նույնիսկ հայանպաստ հայտարարություններ չի արել 44-օրյա պատերազմից հետո»։
Պատգամավորի դիտարկմամբ՝ եթե ՀԱՊԿ-ից դուրս գալու խնդիր լինի, լավ կլինի, որ հանարաքվեով լինի՝ ժողովուրդը որոշի։
Մանրամասները՝ տեսանյութում։
Մելքոնյանի կարծիքով՝ ՀԱՊԿ անդամ երկրները, այդ թվում նաև Ռուսաստանը ադրբեջանամետ երկրներ են։
«Ռուսաստանն ավելի շատ ո՞ւմ է դաշնակից՝ Հայաստանի՞ն, թե՞ Ադրբեջանին․ Ռուսաստանը գնում է իր ազգային շահի հետևից, Հայաստանից ոչ մի շահ չունի, Ադրբեջանից ու Թուրքիայից շահեր ունի, նրա ամբողջ նպատակը գազ, նավթ վաճառելն է․․․
Ռուսաստանն իր պետական շահերը ոչ մի բանի հետ չի փոխի։ Վերջին 100 տարվա ընթացքում ՀՀ տարածքները կրկնակի փոքրացել են ի հաշիվ ՌԴ պետական շահի»,- նշեց պատգամավորը։
Մանրամասն՝ տեսանյութում։
