30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
«Թուրքիան ստանձնել է տարածաշրջանի ղեկավարումը՝ հասնելով գլոբալ ձայնի իրավունքի»․ Էրդողան
Քաղաքականություն
22.11.2022 | 21:29
Թուրքիայի հյուսիս-արևելքում տեղի է ունեցել երկրում խոշորագույն՝ «Յուսուֆելի» ջրամբարի բացման արարողությունը, որի ընթացքում ելույթով է հանդես եկել նախագահ Ռեջեփ Թայիփ Էրդողանը, գրում է TRT Haber-ը։
Նա նշել է, որ Թուրքիան գլոբալ մակարդակում ձայն ունենալու իրավունքի է հասել։
«Թեև անցած տարիներին ոմանք անընդհատ փորձում էին վատնել մեր էներգիան և ժամանակը, Թուրքիան դարձել է համաշխարհային առաջատար՝ շրջանցելով տարածաշրջանային ղեկավարությունը։ Թուրքիան այժմ ունի ենթակառուցվածքներ, որով կարող է ամուր դիրքորոշվել նույնիսկ գլոբալ տատանումների պայմաններում: Այն երկրներում, ուր մենք այցելում ենք, մեզ հարցնում են, թե ինչպես է մեր երկիրը հասել նման հաջողության»,- հայտարարել է Էրդողանը։
Նա նաև ասել է, թե ժամանակակից Թուրքիայի ձեռքբերումներն ու հաջողությունները մտահոգում են հակաթուրքական շրջանակներին, որոնք փորձում են դանդաղեցնել երկրի զարգացումը, այդ թվում՝ ահաբեկչական կազմակերպությունների կիրառմամբ։ Էրդողանի խոսքով՝ Անկարան վճռականորեն դիմակայում է մարտահրավերներին՝ երկրի հակառակորդներին ջախջախիչ հարվածներ հասցնելով։
«Ոչ ոք չի համարձակվի հանդես գալ Թուրքիայի քայլերի դեմ սահմանին ահաբեկչության սպառնալիքի հեռացման հարցում։ Շրջաններում, որտեղից Թուրքիայի քաղաքացիներին վտանգ է սպառնում, անվտանգության գիծը պետք է սահմանից պատշաճ հեռավորության վրա տեղափոխվի»,- ասել է Էրդողանը՝ խոսելով Սիրիայում և Իրաքում թուրքական ռազմաօդային ուժերի գործողության մասին։
Էմմա Չոբանյան
