Տեսանյութեր
22.11.2022 | 16:24Ընթանում է Երևանի ավագանու հերթական նիստը։
«Ուզում եմ ձեզ պատմել մի կենդանի լեգենդ՝ փոքրիկ կառուցապատողի մասին, ում շատերը, ոնց հասկանում եմ, այստեղ անձամբ են ճանաչում Այս մասին Երևանի ավագանու նիստի ընթացքում նշեց ավագանու անդամ Թեհմինե Վարդանյանը։
«Ուզում եմ խոսել Հուսիկ անունով մի կառուցապատողի մասին: Պատմություն փոքրիկ Հուսիկի մասին: Իրեն թվում է, թե ինքն այն տղան է, որ ինչ ուզի՝ կանի, ինչ ուզի՝ կկառուցի, ոնց կուզի կվարվի, ի վերջո ամեն ինչ կօրինականացնի, իր գործն առաջ կտանի․․․ Բայց մենք շարունակում ենք անհաղորդ մնալ այս խնդրին»։
Վարսդանյանի խոսքով՝ Նորք Նորք վարչական շրջանում շատ են այդպիսի շինությունները, որոնք կա՛մ օրինականացվել են, կա՛մ այդ փուլում են, նաև Շենգավիթ վարչական շրջանում:
«Պարոն Ավինյան, գնացել էիք Արաբկիր՝ շրջայցի, խնդրում եմ, նման բաներին ևս ուշադրություն դարձնել: Գովելի է աշխատանքը, լուսանկարները, որ տեղադրում եք, նաև ապամոնտաժումները, բայց նման բաներին էլ կարելի է ուշադրություն դարձնել:
8 ամիս առաջ Արաբկիր վարչական շրջանը գրությամբ դիմել է քաղաքապետին, և այն դեռևս խցանված է Արմինե Եղիազարյանի մոտ՝ ՃՔ վարչությունում:
Ինչո՞ւ գրությունը չի հասել քաղաքապետին, իրավաբանական վարչություն: Ինչո՞ւ է մնացել, որ այդ մարդը հասցնի դիմի դատարա՞ն, գործն առաջ գցի ու այդ ամեն ինչը կանգնի՞: Այստեղ միտում չկա՞․․․ Կաշառքի հոտ է գալիս»,- նշեց Վարդանյանը:
Մանրամասները՝ տեսանյութում։
