30.10.2026 | 15:35
«Տարաձայնությունների տեղ չկա». Էրդողանը շեշտել է թյուրքական աշխարհի միասնությունը՝ Ալիևի բացակայության պայմաններում
Ալիևը հայտարարել է, որ ՀԱՊԿ-ում «Ադրբեջանն ավելի շատ ընկերներ ունի, քան Հայաստանը»
Քաղաքականություն
21.11.2022 | 18:54
Ադրբեջանին Հավաքական անվտանգության պայմանագրի կազմակերպության (ՀԱՊԿ) անդամ երկրների դեմ հանելու Հայաստանի փորձերը ձախողվել են։ Նման հայտարարություն է արել Ադրբեջանի նախագահ Իլհամ Ալիևը այսօր իր գլխավորած կուսակցության հիմնադրման 30-ամյակին նվիրված միջոցառմանը, գրում են ադրբեջանական լրատվամիջոցները։
«Նույնիսկ կազմակերպություններում, որոնց մենք չենք անդամակցում, ունենք շատ ընկերներ, և վերջին տարիների իրադարձություններն ավելորդ անգամ դա ապացուցում են։ Օրինակ՝ ՀԱՊԿ-ն, որի անդամ մենք չենք։ Հայաստանը հանդիսանում է դրա անդամ և այս կազմակերպության միջոցով նպատակ ուներ անհիմն պահանջներ ներկայացնել Ադրբեջանի դեմ, բայց իրականում ուզում էր ՀԱՊԿ անդամ երկրներին մղել Ադրբեջանի դեմ։ Սա մեծ սադրանք է և մեծ հանցագործություն»,- հայտարարել է Ադրբեջանի նախագահը։
Նա հավելել է, որ «Հայաստանի սադրանքը ձախողվել է»։
«Դա նշանակում է, որ կազմակերպությունում մեր ընկերներն ավելի շատ են, քան Հայաստանինը։ Ինչո՞ւ է Հայաստանի նկատմամբ վերաբերմունքն այդքան բացասական։ Որովհետև ամեն տեղ ստում են, և իրենց հարցերը լուծելու համար, ինչպես ասում են՝ դուռ չի մնացել, որ չթակեն։ Այս ամենն ակնհայտ է, բոլորը գիտեն այդ մասին»,- ասել է Ադրբեջանի նախագահը։
Էմմա Չոբանյան
