09.10.2026 | 21:43
Ադրբեջանի դպրոցներում հիջաբ կրելու արգելք է սահմանվել նաև ուսուցիչների համար
Ինդոնեզիայում ուժեղ երկրաշարժ է տեղի ունեցել, տասնյակ մարդիկ են տուժել
Քաղաքականություն
21.11.2022 | 18:43
Ինդոնեզիայի Ճավա կղզում 5,6 մագնիտուդով երկրաշարժ է տեղի ունեցել. առնվազն 46 մարդ է զոհվել, ևս 700-ը՝ վիրավորվել։ Այս մասին հաղորդում է Associated Press-ը։
«Ներկայում Չիանջուրայի շրջանային հիվանդանոցում կա 46 զոհ և մոտ 700 վիրավոր: Նրանցից շատերը տուժել են փլուզված շենքերի պատճառով»,- ասել է Ինդոնեզիայի աղետների մեղմացման ազգային գործակալության ղեկավար Սուհարյանտոն:
Երկրաշարժի հետևանքով, որի օջախը գտնվել է Չիանջուր քաղաքի մոտ, տուժել են տասնյակ շենքեր, այդ թվում՝ իսլամական գիշերօթիկ դպրոցը, հիվանդանոցը և այլ պետական կառույցներ։ Զոհերի թիվը կարող է աճել։
Աղբյուրի հաղորդմամբ՝ ցնցումներ հաճախ են տեղի ունենում Ինդոնեզիայում, սակայն դրանք հազվադեպ են զգացվում երկրի մայրաքաղաք Ջակարտայում։ Այս անգամ մայրաքաղաքում ճոճվել են բազմահարկ շենքերը, որոշ շենքերի բնակիչներ տարհանվել են։
Տաթև Ֆռանգյան
